.gif)
.png)
काठमाण्डौ । हालैको प्राकृतिक विपदबाट प्रभावित नागरिकलाई स्वास्थ्य सेवा उपलब्ध गराउने उद्देश्यले तिलगंगा इन्स्टिच्युट अफ अप्थाल्मोलोजीले प्रभावित क्षेत्रमा आवश्यकताअनुसार आँखा स्वास्थ्यसम्बन्धी सेवा उपलब्ध गराउने तयारी गरेको छ।
अस्पतालले विपद्का कारण प्रभावित नागरिकमा आँखासम्बन्धी समस्या देखिन सक्ने अवस्थालाई ध्यानमा राख्दै आवश्यक स्वास्थ्य परीक्षण, उपचार तथा औषधि उपलब्ध गराउन सम्बन्धित निकायसँग समन्वय गर्ने जनाएको छ।
बाढी तथा डुबानका कारण प्रभावित क्षेत्रमा फोहोर पानी र अस्वच्छ वातावरणका कारण आँखामा संक्रमणलगायतका स्वास्थ्य समस्या देखिन सक्ने भएकाले समयमै परीक्षण तथा उपचार आवश्यक रहेको अस्पतालको भनाइ छ।
तिलगंगा आँखा अस्पतालले विपद् प्रभावित नागरिकलाई आवश्यकताअनुसार विशेषज्ञसहितको स्वास्थ्य टोली परिचालन गरी सेवा उपलब्ध गराउन सकिने जनाएको छ। अस्पतालले स्थानीय तह, स्वास्थ्य निकाय तथा अन्य सरोकारवाला संस्थासँग समन्वय गरी प्रभावित क्षेत्रमा सेवा विस्तार गर्ने तयारीसमेत गरेको छ।
अस्पतालले विपद्को समयमा नागरिकको स्वास्थ्य सुरक्षालाई प्राथमिकतामा राख्दै आवश्यक सहयोग तथा उपचार सेवा उपलब्ध गराउन आफू प्रतिबद्ध रहेको जनाएको छ।
.png)
.png)
(1).jpg)
.jpg)
.jpg)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।