.gif)
.gif)
.gif)
.png)
काठमाण्डौ । संयुक्त अरब इमिरेट्स (युएई) ले बाढी तथा पहिरो प्रभावितका लागि थप करिब ३८ टन राहत सामग्री नेपाल पठाएको छ।
युएईको मानवीय हवाई सहायता अभियानअन्तर्गत चौथो राहत विमानमार्फत उक्त सामग्री नेपाल पठाइएको हो। यससँगै नेपालका लागि हवाई मार्गबाट पठाइएको युएईको कुल राहत सामग्री १८६ टन पुगेको जनाइएको छ।
पछिल्लो खेपमा ५०० वटा पाल र १०८ वटा राहत प्याकेज समावेश छन्। राहत सामग्रीमा खाद्यान्न, अस्थायी आश्रयका सामग्री, स्वास्थ्य सामग्री तथा अन्य अत्यावश्यक राहत र लजिस्टिक सामग्री रहेका छन्।
प्रभावित क्षेत्रमा छिटो पुर्याउने तयारी
युएईले राहत सामग्री प्रभावित क्षेत्रमा यथाशीघ्र पुर्याउन नेपाली अधिकारीहरूसँग समन्वय गरिरहेको जनाएको छ।
आवश्यकताअनुसार स्थानीय बजारबाट समेत राहत सामग्री खरिद गरी प्रभावित क्षेत्रमा उपलब्ध गराउने तयारी गरिएको छ। यसबाट हवाई मार्गबाट आएको सामग्रीमात्र नभई स्थानीय स्तरमा उपलब्ध साधनस्रोतसमेत परिचालन गरेर राहत वितरणलाई तीव्र बनाउने लक्ष्य राखिएको छ।
(1).gif)
युएईको खोज तथा उद्धार टोली पनि सक्रिय
राहत सामग्रीसँगै युएईले खोज तथा उद्धार अभियानमा पनि सहयोग जारी राखेको छ।
दुबई प्रहरीको खोज तथा उद्धार टोली अत्याधुनिक उपकरण र प्रविधिसहित बाढी तथा पहिरो प्रभावित क्षेत्रमा परिचालित रहेको जनाइएको छ।
टोलीले बेपत्ता नागरिकको खोजी, उद्धार तथा जोखिमपूर्ण क्षेत्रमा प्राविधिक सहयोग गरिरहेको छ।
युएई राहत अभियान डा. हम्मूद अल अफारीको नेतृत्वमा सञ्चालन भइरहेको बताइएको छ।
पूर्वसांसद राजेन्द्र बजगाईंले नेपाललाई विपद्को कठिन घडीमा राहत तथा उद्धारमा साथ दिएको भन्दै युएई सरकार र सहयोगी टोलीप्रति धन्यवाद व्यक्त गरेका छन्।
भोटेकोशी बाढीपछि विभिन्न मित्रराष्ट्र तथा अन्तर्राष्ट्रिय निकायबाट नेपालमा राहत, उद्धार सामग्री तथा प्राविधिक सहयोग आउने क्रम जारी छ।
.png)
.gif)
.gif)
.gif)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।