५ बीमा कम्पनीको मात्रै सेयरभाउ बढ्यो, सर्वाधिक गुमाउनेमा आरबीसीएल र हिमालयन रि

काठमाण्डौ । बुधबार सेयरबजारमा दोहोरो अंकको गिरावट आएको छ । नेप्से परिसूचक १५.४३ अंकले घटेर २५४५.४० विन्दुमा कायम भएको छ ।  

नेप्सेमा सूचीकृत ३५२ कम्पनीको १ करोड ९ लाख ६५ हजार ५४२ कित्ता सेयर किनबेच हुँदा ४ अर्ब १९ करोड रुपैयाँमाथिको सेयर कारोबार भएको छ ।  

आज बीमा समूहका दुईवटै उपसूचक घटेको छ । जीवन बीमा समूह ०.२० प्रतिशत र निर्जीवन बीमा समूह १.५७ प्रतिशतले घटेको छ ।  

आज ५ बीमा कम्पनीको मात्रै सेयरभाउ बढेको छ । सर्वाधिक कमाउनेमा आइएमई लाइफ रहेको छ । कम्पनीको सेयरभाउ ०.७४ प्रतिशतले बढेर ४०८ रुपैयाँ पुगेको छ ।  

त्यस्तै, गार्डियन माइक्रो लाइफको ०.७३ प्रतिशत, नेपाल लाइफको ०.१३ प्रतिशत, सूर्यज्योति लाइफको ०.५० प्रतिशत र आइजीआई प्रुडेन्सियलको ०.३२ प्रतिशतले बढेको छ ।  

सर्वाधिक गुमाउनेमा भने आरबीसीएल र हिमालयन रि इन्स्योरेन्स रहेको छ । आरबीसीएलको सेयरभाउ २.७२ प्रतिशतले घटेर १३ हजार ३८१ रुपैयाँ १० पैसा कायम भएको छ भने हिमालयन रि को सेयरभाउ २.६९ प्रतिशतले घटेर ५०२.१० रुपैयाँ कायम भएको छ ।  

त्यस्तै, नेपाल रि को ०.७५ प्रतिशत, हिमालयन एभरेष्टको २.११ प्रतिशत, नेपाल इन्स्योरेन्सको १.३७ प्रतिशत, नेको इन्स्योरेन्सको २.२९ प्रतिशत, एनएलजीको १.९८ प्रतिशत, नेपाल माइक्रो इन्स्योरेन्सको १.०१ प्रतिशत, प्रभु इन्स्योरेन्सको १ प्रतिशत, सलिकोको १.६१ प्रतिशत, सानिमा जिआइसीको ०.२६ प्रतिशत, सिद्धार्थ प्रिमियरको १.९८ प्रतिशत र युनाइटेड अजोडको १.५७ प्रतिशतले घटेको छ।  

यसका साथै एशियन लाइफको १ प्रतिशत, सिटिजन लाइफको ०.०२ प्रतिशत, क्रेष्ट माइक्रो लाइफको २.२३ प्रतिशत, हिमालयन लाइफको ०.२० प्रतिशत, एलआइसी नेपालको ०.५७ प्रतिशत, नेशनल लाइफको ०.०२ प्रतिशत, प्रभु महालक्ष्मी लाइफको ०.२२ प्रतिशत, रिलायलब नेपाल लाइफको ०.७२ प्रतिशत र सन नेपाल लाइफको १.०३ प्रतिशतले घटेको छ ।