.gif)
_(1).gif)
.jpg)
.png)
काठमाण्डौ । साताको पहिलो कारोबार दिन आज नेपाल स्टक एक्सचेञ्च(नेप्से) मा सामान्य अंकको वृद्धि भएको छ । आज नेप्से परिसूचक ०.४२ प्रतिशत अर्थात ८.२६ अंकले बढेर १ हजार ९७४.५० विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.०६ प्रतिशतले बढेर ३५०.८२ विन्दुमा पुगेको छ । यो दिन नेप्सेमा सूचीकृत मध्ये ३११ वटा कम्पनीको ७८ लाख ५७ हजार ३१ कित्ता सेयर ३ अर्ब १५ करोड ५१ लाख रुपैयाँभन्दा बढीको कारोबार भएको छ ।
आजको बजारबारे बजार जानकार महेश रिजाल भन्छन्, ‘बजारमा नयाँ लगानी नभित्रिएसम्म र लार्ज क्याप भएका कम्पनी नचलेसम्म बजारमा ठूलो परिवर्तन आउने देखिदैन । अहिले धेरै लगानीकर्ताको मनोबल घटेको छ । आजको बढोत्तरीले बजार घट्न रोकेको भन्न सकिन्छ ।’
आज होटलमा करेक्सन आएर निर्जीवन बीमा चलेको बताउँदै रिजालले बजेटबाट केहि सुधारको हुनसक्ने सम्भावनाका कारण बजारमा सुधार आएको रिजालले बताए । रिजालका अनुसार आफ्नै पैसा लगानी गरेका लगानीकर्ताका लागि भने दीर्घकालिन लगानी गर्ने सहि समय आएको छ ।
अर्का बजार जानकार निमानन्द कडेल भन्छन्,‘ बजार हाल न्यून विन्दुमै रहेको देखिन्छ । आज बजारलाई बीमा समूहले केहि सपोर्ट गरेको छ ।’
उनले मौद्रिक नीतिमार्फत पूँजी बजारसम्बन्धी केहि नीतिमा परिवर्तन हुने सक्ने आँकलन गरे ।
यो दिन नेप्सेमा सूचीकृत १३ वटा समूहमध्ये ३ वटा समूहबाहेक अन्य सबै समूहमा हरियाली छाएको छ । आज निर्जीवन बीमा समूह सबैभन्दा बढी अर्थात २.६४ प्रतिशतले बढ्यो ।
त्यस्तै आज बैंकिङ समूह ०.४३, विकास बैंक १.०४,हाईड्रो ०.१६,लगानी ०.१५,जीवन बीमा १.२५,म्युचुअल फण्ड ०.१५,उत्पादन तथा प्रशोधन १.४९,अन्य ०.६९ र व्यापार समूह १.१८ प्रतिशतले बढ्यो ।
.gif)
आज होटल समूह सर्वाधिक अर्थात २.४० प्रतिशतले घट्यो । यो दिन फाइनान्स समूह ०.८६ र लघुवित्त समूह १.३५ प्रतिशतले घट्यो ।
धेरै कारोबार गर्ने कम्पनीहरु
यो दिन सांग्रिला डेभलपमेन्ट बैंकको सर्वाधिक सेयर कारोबार भयो । आज यो कैंकको १० करोड ५० लाख रुपैयाँबराबरको सेयर कारोबार भयो ।
त्यस्तै आज पोखरा फाइनान्सको ८ करोड ६ लाख,सोनापुर मिनरल्सको ८ करोड ५ लाख शिवम् सिमेन्टको ७ करोड ७१ लाख र नेपाल इन्स्योरेन्सको ६ करोड ९५ लाख बढीको सेयर कारोबार भयो ।
धरै कमाउने र गुमाउने कम्पनीहरु
यो दिन श्रुजनशिल लघुवित्तको सेयरमूल्य सर्वाधिक बढ्यो । यो कम्पनीको सेयरमूल्य आज १० प्रतिशतले बढ्यो ।
यसैगरी उन्नति सहकार्य लघुवित्तको सेयरमूल्य ७.५२ प्रतिशत र युनाइटेड अजोड इन्स्योरेन्सको सेयरमूल्य ५.६९ प्रतिशतले बढ्यो ।
आज मानुषी लघुवित्तको सेयरमूल्य सर्वाधिक अर्थात ५.४४ प्रतिशतले घट्यो । यो दिन दोल्ती पावरको सेयरमूल्ःय पनि ४.५९ प्रतिशत,आरएसडीसी लघुवित्तको ४.४२ र सोल्टी होटलको सेयरमूल्य ३.६९ प्रतिशतले घट्यो ।
.png)
.jpg)
.gif)
.gif)
.gif)
