नेको इन्स्योरेन्सको सञ्चालकमा पवन रेग्मी चयन

काटमाण्डौ । नेको इन्स्योरेन्स लिमिटेडको सञ्चालकमा पवन रेग्मी मनोनित भएका छन्।

कम्पनीको संस्थापक सेयरधनी राष्ट्रिय वाणिज्य बैंक लिमिटेडको तर्फबाट सञ्चालक समितिमा प्रतिनिधित्व गर्दै आएका विनयरमण पौडेलको स्थानमा बैंकले रेग्मीलाई मनोनित गरी पठाएको हो।

राष्ट्रिय वाणिज्य बैंकले भदौ २९ गतेको पत्रमार्फत सञ्चालक प्रतिनिधि परिवर्तन गरिएको जानकारी नेको इन्स्योरेन्सलाई गराएको थियो। बैंकबाट प्राप्त उक्त पत्रलाई कम्पनीको भदौ ३१ गते बिहान बसेको सञ्चालक समितिको ५११ औँ बैठकले निर्णय गरेको छ।

कम्पनीका अनुसार नवनियुक्त सञ्चालक रेग्मीको पदबहाली तथा सपथग्रहण आगामी सञ्चालक समिति बैठकबाट गराइने निर्णय भएको छ। यससँगै राष्ट्रिय वाणिज्य बैंकको तर्फबाट नेको इन्स्योरेन्सको सञ्चालक समितिमा अब पवन रेग्मीले प्रतिनिधित्व गर्नेछन्।