चार बीमा कम्पनीको मात्रै सेयरभाउ बढ्यो, सर्वाधिक गुमाउनेमा नेपाल इन्स्योरेन्स

काठमाण्डौ । सोमबार सेयरबजारमा दोहोरो अंकको गिरावट आएको छ । नेप्से परिसूचक १६.४७ अंकले घटेर २६१३.३३ विन्दुमा कायम भएको छ ।  

नेप्सेमा सूचीकृत ३५७ कम्पनीको १ करोड ३१ लाख ७८ हजार १२८ कित्ता सेयर किनबेच हुँदा ५ अर्ब ३८ करोड रुपैयाँमाथिको सेयर कारोबार भएको छ ।  

आज बीमा समूहका दुईवटै उपसूचक घटेका छन् । जीवन बीमा समूह ०.८३ प्रतिशत र निर्जीवन बीमा समूह १.२० प्रतिशतले घटेको छ ।  

बीमा समूह घट्दा ४ कम्पनीको मात्रै सेयरभाउ बढेको छ । सर्वाधिक कमाउनेमा रिलायबल नेपाल लाइफ रहेको छ । कम्पनीको सेयरभाउ ०.७३ प्रतिशतले बढेर ४४१.३० रुपैयाँ पुगेको छ ।  

त्यस्तै, सूर्यज्योति लाइफको ०.२९ प्रतिशत, सगरमाथा लुम्बिनी इन्स्योरेन्सको ०.३८ प्रतिशत र सानिमा जिआइसीको ०.२३ प्रतिशतले बढेको छ ।  

सर्वाधिक गुमाउनेमा भने नेपाल इन्स्योरेन्स रहेको छ । कम्पनीको सेयरभाउ २.३५ प्रतिशतले घटेर ४४५.३० रुपैयाँ कायम भएको छ ।  

त्यस्तै, हिमालयन एभरेष्टको १.४८ प्रतिशत, आइजीआई प्रुडेन्सियलको ०.२८ प्रतिशत, नेको इन्स्योरेन्सको १.४२ प्रतिशत, एनएलजीको १.३९ प्रतिशत, नेपाल माइक्रो इन्स्योरेन्सको १.८६ प्रतिशत, प्रभु इन्स्योरेन्सको ०.१७ प्रतिशत, आरबीसीएलको १.५७ प्रतिशत, शिखरको १.४५ प्रतिशत, सिद्धार्थ प्रिमियरको २.०७ प्रतिशत, युनाइटेड अजोडको १.०५ प्रतिशत, हिमालयन रि को १.९० प्रतिशत र नेपाल रि को १.३२ प्रतिशतले घटेको छ ।  

एशियन लाइफको ०.६५ प्रतिशत, सिटिजन लाइफको ०.३२ प्रतिशत, क्रेष्ट माइक्रो लाइफको ०.३७ प्रतिशत, गार्डियन माइक्रो लाइफको १.०१ प्रतिशत, हिमालयन लाइफको १.२० प्रतिशत, आइएमई लाइफको १.३८ प्रतिशत, एलआइसी नेपालको १.०५ प्रतिशत, नेपाल लाइफको १.२१ प्रतिशत, नेशनल लाइफको १.५८ प्रतिशत, प्रभु महालक्ष्मी लाइफको ०.४७ प्रतिशत, सन नेपाल लाइफको ०.९७ प्रतिशत र सानिमा रिलायन्स लाइफको ०.७० प्रतिशतले घटेको छ ।