.gif)
.gif)
.png)
काठमाण्डौ । अन्तरव्यवस्थापिका सङ्घ (आईपीयू) को १५३औँ महासभामा सहभागी नेपाली प्रतिनिधिमण्डल र चिनियाँ प्रतिनिधिमण्डलबीच मंगलबार भेटवार्ता भएको छ ।
सभामुख डोलप्रसाद (डीपी) अर्यालको नेतृत्वमा रहेको नेपाली प्रतिनिधिमण्डल र चिनियाँ पक्षबीच नेपाल–चीन सम्बन्ध, जनस्तरको मित्रता तथा संसदीय सहकार्यलाई आगामी दिनमा थप सुदृढ बनाउने विषयमा छलफल भएको सभामुखको सचिवालयले जनाएको छ ।
भेटमा सभामुख अर्यालले नेपाल र चीनबीचको सम्बन्ध निकट मित्रता, असल छिमेकीपन, पारस्परिक सम्मान र पञ्चशीलका सिद्धान्तमा आधारित रहेको उल्लेख गरे ।
उनले नेपाल ‘एक चीन नीति’प्रति दृढ प्रतिबद्ध रहेको र नेपाली भूमि चीनविरुद्ध कुनै पनि गतिविधिका लागि प्रयोग हुन नदिने स्पष्ट पारे ।
सभामुख अर्यालले नेपाललाई भूपरिवेष्ठित अवस्थाबाट भूजडित मुलुकमा रूपान्तरण गर्न चीनले गर्दै आएको सहयोगप्रति धन्यवाद व्यक्त गर्दै दुई देशबीचको विकास सहकार्यलाई अझ प्रभावकारी बनाउनुपर्नेमा जोड दिए ।
.gif)
भेटका क्रममा उनले हालै रसुवामा बाढी तथा पहिरोबाट भएको जनधनको क्षतिप्रति दुःख व्यक्त गर्दै बेपत्ता चिनियाँ नागरिकका परिवारप्रति समवेदना व्यक्त गरे ।
विपद्का बेला चीन सरकारबाट प्राप्त आपत्कालीन आर्थिक सहयोग, मानवीय सहायता तथा खोज–उद्धारका लागि उपलब्ध गराइएको सहयोगप्रति पनि सभामुख अर्यालले धन्यवाद दिएका छन् ।
चीन सरकारले खोज तथा उद्धारका लागि सुरुङ उद्धार टोली, फरेन्सिक तथा डीएनए विशेषज्ञ, ड्रोनलगायत उपकरण उपलब्ध गराएको सचिवालयले जनाएको छ ।
सभामुख अर्यालले नेपाल र चीनबीच स्थापित संसदीय मैत्री समूह तथा प्रतिनिधिसभा र चीनको राष्ट्रिय जनकांग्रेसबीच भएको अन्तरसंसदीय सहकार्यसम्बन्धी समझदारीले संसदीय आदानप्रदान र आपसी समझदारीलाई थप मजबुत बनाउने विश्वास व्यक्त गरे ।
भेटवार्तामा दुई देशबीचको मित्रवत् सम्बन्धलाई संसदीय तहमा समेत थप विस्तार गर्दै सहकार्यलाई निरन्तरता दिने विषयमा दुवै पक्षबीच विचारविमर्श भएको थियो ।
.gif)
.gif)
.png)
.gif)
.png)
(156).png)
.png)
(154).png)
.gif)
(1).gif)
.gif)
.gif)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।