.gif)
_(1).gif)
.png)
.png)
काठमाण्डौ । साताको अन्तिम कारोबार दिन आज नेपाल स्टक एक्सचेञ्च(नेप्से) मा झिनो वृद्धि भएको छ । आज नेप्से परिसूचक र ०.०३ प्रतिशत अर्थात ०.७९ अंकले बढेर २०१८.७६ विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.०७ प्रतिशतले बढेर ३५८.३७ विन्दुमा पुगेको छ । यो दिन नेप्सेमा सूचीकृत मध्ये ३१५ वटा कम्पनीको ८२ लाख ८२ हजार ५५६ कित्ता सेयर ४ अर्ब २३ करोड ३८ लाख रुपैयाँभन्दा बढीको कारोबार भएको छ ।
आजको बजारबारे बजार जानकार प्रेम ओली भन्छन्, ‘राजनीतिक अन्यौलताका कारण विगत केहि समयदेखि बजारले गति लिन सकिरहेको छैन । सरकार परिवर्तन हुने हल्लाले पनि लगानीकर्ताहरुमा आत्मविश्वासको कमी देखिएको छ । मौद्रिक नीतिको समीक्षामा पनि पूँजी बजारको सुधारको विषयमा केहि सम्बोधन हुने छाँटकाँट देखिदैन ।’
ब्रोकर कमिशन र बैंकको ब्याजदर घटेपनि सरकारको नीतिमा समावेश भएको पूँजी बजारको विषयलाई लगानीकर्ताले विश्वास गर्न नसकेको ओलीले बताए । ‘आगामी बजेटमा लगानीकर्ताहरु गूड न्यूजको प्रतिक्षामा छन् । अब आगामी बजेटपछि बजारले नयाँ दिशा तय गर्नेछ ।’
अर्का बजार जानकार अर्जुन थापा भन्छन्,‘अहिले बैंकिङ प्रणालीमा अधिक तरलता भएपनि बजारमा आईरहेका नकारात्मक खबरले लगानीकर्ता हतोत्साहित बनेका छन् । सबै कुरा पोजेटिभ हुँदा पनि सेयर बजारमा सुधार हुन सकेको छैन ।’
नेप्से अहिले न्यून विन्दुमा आईसकेको र वाणिज्य बैंकहरुको सेयर आईपीओको मूल्यमा पाउन थालेको उनले बताए । ‘अर्थमन्त्रीले पनि बजार सुधार गर्ने बाचा गरेका छन् । त्यसैले जेठ १५ गतेपछि बजारमा क्रमिक सुधार आउन सक्छ ।’ थापाले भने ।
यो दिन नेप्सेमा सूचीकृत १३ वटा समूहमध्ये २ वटा समूहमा मात्रै हरियाली छाएको छ भने अन्य ११ वटा समूहमा रातो पोतिएको छ । आज लघुवित्त समूह ३.८० प्रतिशत र अन्य समूह ०.२२ प्रतिशतले वृद्धि भएको छ ।
यो दिन वित्त समूहमा सबैभन्दा धेरै गिरावट आयो । वित्त समूह आज १.४५ प्रतिशतले घट्यो ।
.gif)
त्यस्तै आज बैंकिङ समूह ०.२२, विकास बैंक १.०७,होटल ०.८२,हाईड्रो ०.४५,लगानी ०.१६,नीवन बीमा ०.४४,उत्पादन तथा प्रशोधन ०.४३,म्युचुअल फण्ड ०.३५,निर्जीवन बीमा ०.८५ र व्यापार समूह ०.७९ प्रतिशतले घट्यो ।
धेरै कारोबार गर्ने कम्पनीहरु
यो दिन सिईडिबि हाईड्रोको सर्वाधिक अर्थात ४३ करोड ९० लाख बढीको सेयर कारोबार भयो । आज पोखरा फाइनान्सको ११ करोड ८७ लाख,पिपुल्स पावर ७ करोड २१ लाख,हिमालयन लघुवित्त ७ करोड २८ लाख र जीवन विकास लघुवित्तको ७ करोड १३ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज हिमालयन लघुवित्त,जाल्पा सामूदायिक लघुवित्त,श्रृजनशिल लघुवित्त,स्वाभिमान लघुवित्त र सिईडिबि हाईड्रोको सेयरमूल्यमा सकारात्मक सर्किट लाग्यो । यी कम्पनीहरुको सेयरमूल्य आज करिब १० प्रतिशतले बढ्यो ।
आज ग्लोबल आइएमई लघुवित्तको सेयरमूल्य ९.०३,धौलागिरी लघुवित्तको ८.६१ र अभियान लघुवित्तको सेयरमूल्य ८.४९ प्रतिशतले बढ्यो ।
आज माण्डु हाईड्रोको सेयरमूल्य सर्वाधिक अर्थात ५.७६ प्रतिशतले घट्यो ।
.png)
.jpg)
.gif)
.gif)
.gif)
