.gif)
_(1).gif)
.png)
काठमाण्डौ । साताको तेस्रो कारोबार दिन आज नेपाल स्टक एक्सचेञ्च(नेप्से) मा दोहोरो अंकको वृद्धि भएको छ । आज नेप्से परिसूचक १.१४ प्रतिशत अर्थात बढेर २ ११५.९४ हजार विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.९४ प्रतिशतले बढेर ३७७.६० विन्दुमा पुगेको छ । यो दिन नेप्सेमा सूचीकृत मध्ये ३१७ वटा कम्पनीको १ करोड ३२ लाख ४१ हजार २१७ कित्ता सेयर ५ अर्ब २० करोड ६२ लाख रुपैयाँभन्दा बढीको कारोबार भएको छ ।
आजको बजारबारे नेपाल इन्भेष्टर फोरमका निवर्तमान अध्यक्ष छोटेलाल रौनियार भन्छन्, ‘राष्ट्र बैंकको तेस्रो त्रैमासिक समीक्षामा बैंकहरुलाई सेयर खरिद गर्न सहज व्यवस्था हुँदा बजारमा बढोत्तरी आएको हो । यस्तो अवस्थामा बैंकहरुले बीमा कम्पनी र बीमा कम्पनीले बैंकको सेयर खरिदल गर्ने भएकाले बजारमा कारोबार वृद्धि भएको हो ।’
बजार अझै पनि तल्लो तहमै रहेको र बढ्ने ठाउँ पनि धेरै भएकाले बजार माथि नै जाने रौनियारले बताए । ‘विश्वमा अहिले १४ वटा सेयर बजारले नयाँ रेकर्ड कायम गरेका छन् । नेपालको पनि वित्तीय अवस्था सुधार हुँदै गएकाले पूँजी बजार पनि सुधार हुँदै जाने देखिन्छ ।’
अर्का बजार जानकार अजय सिंह थापा(जयशम्भु)भन्छन्,‘मौद्रिक नीतिको समीक्षामा सुधार भएकाले बजारमा हरियाली छाएको छ । आधारभूत रुपमा पनि बजेटले पनि बजारलाई सर्पोट गर्ने आधार तय भएको छ ।’
थापाका अनुसार प्राविधिक रुपमा पनि योपटक बजारले १९५० मा बलियो सर्पोट लिएर हायर–लो बनाएको छ । यसको अर्थ बजार २२ सयभन्दा माथि नै जान्छ भन्ने हो । यसका साथै बैंकिङ क्षेत्रको वृद्धि टिकाउ बनेकोले पनि बजार मजबुत रहेको थापा बताउँछन् ।
यो दिन नेप्सेमा सूचीकृत १३ वटा समूहमध्ये २ वटा समूहबाहेक अन्य सबै समूहमा हरियाली छायो । आज वित्त समूह सबैभन्दा बढी अर्थात ३.५५ प्रतिशतले बढ्यो । यो दिन बैंकिङ समूह १.७७, होटल ०.२८,हाईड्रो २.१६,लगानी ०.९१,जीवन बीमा ०.१८,उत्पादन तथा प्रशोधन ०.१६,लघुवित्त १.४७,म्युचुअल फण्ड ०.२९,निर्जीवन बीमा ०.२७ र अन्य समूह ०.४१ प्रतिशतले बढ्यो ।
(1).gif)
आज विकास बैंक समूह ०.२९ र व्यापार समूह ०.५३ प्रतिशतले घट्यो ।
धेरै कारोबार गर्ने कम्पनीहरु
यो दिन पोखरा फाइनान्सको सर्वाधिक सेयर कारोबार भयो । आज यो कम्पनीको २४ करोड ६४ लाख बढीको सेयर कारोबार भ यो ।
त्यस्तै आज सिईडिबि हाईड्रोको १२ करोड ९९ लाख,कालिका पावर कम्पनीको १२ करोड ३८ लाख र माउन्टेन ईनर्जीको १० करोड ४१ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज ६ वटा कम्पनीको सेयरमूल्यमा सकारात्मक सर्किट लाग्यो । आज जानकी फाइनान्स,नेरुडे मिर्मिरे,सामुदायिक लघुवित्त,बुद्धभुमी नेपाल हाईड्रो,मध्य भोटेकोशी हाईड्रो र इष्टर्न हाईड्रोको सेयरमूल्यमा सकारात्मक सर्किट लाग्यो । यी कम्पनीहरुको सेयरमूल्य १० प्रतिशतको हाराहारीमा बढ्यो ।
आज कुथेली बुखरी स्मल हाईड्राको सेयरमूल्य ९.३०,महुली लघुवित्तको ९.२७ र नेपाल हाईड्रोको सेयरमूल्य ८.६९ प्रतिशतले बढ्यो ।
यो दिन साइन रेसुंगा डेभलपमेन्ट बैंकको सेयरमूल्य सर्वाधिक अर्थात ४.२८ प्रतिशतले घट्यो । भगवति हाईड्रोको सेयरमूल्य ३.१९ प्रतिशतले घटेको आज रिभर फल्सको २.९१ र माण्डु हाईड्रोको सेयरमूल्य २.६१ प्रतिशतले घट्यो ।
.gif)
.png)
.png)
(68).jpg)
(25).jpg)
(90).jpg)
.gif)
(1).gif)
.gif)
