४ दिनको वृद्धि पछि घट्यो नेप्से, जानकार भन्छन्,‘ नाफा बुक मुख्य कारण’

STOCK MARKET
आईतवार, जेष्ठ १३,२०८१ 15:23:34

काठमाण्डौ । साताको पहिलो कारोबार दिन आज नेपाल स्टक एक्सचेञ्च(नेप्से) मा दोहोरो अंकको गिरावट आएको छ । आज नेप्से परिसूचक १.०३ प्रतिशत अर्थात २२.१४ अंकले घटेर २ हजार १०९.३४ विन्दुमा पुगेको छ ।

यो दिन बलिया र राम्रा कम्पनीको मापक सेन्सेटिभ इन्डेक्स पनि ०.८९ प्रतिशतले घटेर ३७९.२३ विन्दुमा सीमित बनेको छ । यो दिन नेप्सेमा सूचीकृत मध्ये ३१५ वटा कम्पनीको १ करोड १० लाख ४४ हजार ४८५ कित्ता सेयर ४ अर्ब ४४ करोड १५ लाख रुपैयाँभन्दा बढीको कारोबार भएको छ ।

आजको बजारबारे अर्थशास्त्री सूर्यनारायण पौडेल भन्छन्, ‘केहि दिनदेखि निरन्तर बढेको बजारमा अल्पकालिन लगानीकर्ताले आज नाफा बुक गरेका कारण बजार घटेको हो । बजार तलमाथि गर्दै अघि बढ्ने हो ।’

यद्यपी बजार र कारोबार दुवै घटेका कारण आजको बजारमा नाफा बुक भएको मान्न सकिने पौडेलले बताए । ‘१९६० मा बजारले बलियो सपोर्ट लिएका कारण बजार मजबुत नै रहेको मान्न सकिन्छ । सबै विषय सकारात्मक रहेको छ ।’ उनले भने ।

अर्का बजार जानकार महेश रिजाल पनि आजको करेक्सन स्वभाविक नै रहेको र आउँदै गरेको बजेटमा करको हल्लाले आजको बजारमा गिरावट आउन पुगेको हो । यदि बजारमा हल्ला भए जसरी नै करको दरहरु हेरफेर भएको खण्डमा बजारको अवस्था प्यानिक हुने देखिन्छ,’ उनले भने ।

यो दिन नेप्सेमा सूचीकृत १३ वटा समूहमध्ये २ वटा बाहेक अन्य सबै समूहमा रातो पोतिएको छ । आज होटल समूह ३.३७ र म्युचुल फण्ड समूह ०.२१ प्रतिशतले बढेका छन् ।

आज वित्त समूहमा सबैभन्दा धेरै गिरावट आएको छ । यो समूह आज २.१९ प्रतिशतले घट्यो ।

त्यस्तै आज बैंकिङ समूह ०.८७, विकास बैंक १.१६,हाईड्रो १.६२,लगानी १.४०,जीवन बीमा ०.८०,उत्पादन तथा प्रशोधन ०.८६,लघुवित्त १.७८,निर्जीवन बीमा १.०१,अन्य ०.८९ र व्यापार समूह १.२३ प्रतिशतले घटे ।

धेरै कारोबार गर्ने कम्पनीहरु

यो दिन आइएमई लाइफ इन्स्योरेन्सको सर्वाधिक सेयर कारोबार भयो । आज यो कम्पनीको १५ करोड ६६ लाख,सिईडिबि हाईड्रोको १५ करोड ३१ लाख,फर्स्ट माइक्रोफाइनान्सको १४ करोड ८१ लाख,नबिल बैंकको १३ करोड ४० लाख र सोल्टी होटलको १० करोड १० करोड १ लाख रुपैयाँको कारोबार भएको छ ।

धरै कमाउने र गुमाउने कम्पनीहरु

आज कालिञ्चोक दर्शन लिमिटेडको सेयरमूल्य सर्वाधिक बढ्यो । आज यो कम्पनीको सेयरमूल्य १० प्रतिशतले बढ्यो । यो दिन सिटी होटलको सेयरमूल्य ८.२४ प्रतिशत,बेद्धभूमी नेपाल हाईड्रोका ७.३० र बाराही हाईड्रोको सेयरमूल्य ६.६८ प्रतिशतले बढ्यो ।

आज इन्फिनिटी लघुवित्तको सेयरमूल्य सर्वाधिक अर्थात ६.३६ प्रतिशतले घट्यो ।

यसैगरी विन नेपाल लघुवित्तको सेयरमूल्य ६.३५ प्रतिशत,भगवति हाईड्रोको ५.८९ र गणपति लघुवित्तको सेयरमूल्य ५.६९ प्रतिशतले घट्यो ।