.gif)
(2).gif)
.jpg)
_(1).gif)
.png)
काठमाण्डौ । एनभिडीया र एएमडीले ताइवानमा आफ्ना छुट्टा–छुट्टै नेक्स्ट जेनेरेशन एआई चिप्स लञ्च गरेका छन् । यससँगै एआईको दौडमा इन्टेलसहति तीन कम्पनीको तीव्र प्रतिस्पर्धा हुने देखिएको छ ।
एनभिडीयाको सीईओ जेनसेन हुवाङले कम्पनीले सन् २०२६ मा अहिलेसम्मकै उन्नत ‘रुबिन’नामक एआई चिप प्लेटफर्म रोलआउट गर्ने जानकारी दिएका छन् । रुबिन प्लेटफर्मले ब्ल्याकबेलको स्थान लिनेछ र यसले डेटा सेन्टरका लागि चिप्स आपूर्ति गर्नेछ ।
रुबिनमा नयाँ ग्राफिक्स प्रोसेसिङ युनिट(जीपीयुस्), भेरा नामक नयाँ सेन्ट्रल प्रोसेसिङ युनिट(सीपीयु)र एड्भान्स्ड नेटवर्किङ चिप्स हुनेछ ।
एआईको बढ्दो प्रभावसँगै कम्पनीहरुले कम्पनीको सेयरप्रति लगानीकर्ताको आकर्षण बढिरहेको छ । पछिल्लो एक वर्षमा कम्पनीको सेयरमूल्य दोब्बरले वृद्धि भईसकेको छ ।
एनभिडीयाले कुल एआई सेमीकन्डक्टर बिक्रीको ७० प्रतिशत हिस्सा ओगटेको छ । तर प्रमुख प्रतिस्पर्धी एएमडी र इन्टेलले एनभिडीयाको प्रभुत्वलाई चुनौती दिदै नयाँ प्रडक्ट ल्याईरहेकाले प्रतिस्पर्धा भने वृद्धि भईरहेको छ ।
सोमबार एएमडीका सीईओ लिसा सुले कम्पनीको लेटेस्ट एआई प्रोसेसर सार्वजनिक गरेकी छन् । यसका साथै दुई वर्षभित्र नयाँ प्रडक्ट पनि विकास गर्ने कम्पनीको लक्ष्य रहेको छ ।
कम्पनीको नेक्स्ट जेनेरेशन एमआई३२५एक्स एक्सिलेटेर यो वर्षको चौथो त्रैमाससम्म उपलब्ध हुने सीईओ सुले बताएकी छन् । -एजेन्सी
.gif)
.png)
.jpg)
(1).gif)
