.gif)
_(1).gif)
.jpg)
.png)
काठमाण्डौ । साताको चौथो कारोबार दिन आज नेपाल स्टक एक्सचेञ्च(नेप्से) मा सामान्य अंकको गिरावट आएको छ । आज नेप्से परिसूचक ०.२६ प्रतिशत अर्थात ५.५८ अंकले घटेर २०७९.७१ विन्दुमा सीमित बनेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.११ प्रतिशतले घटेर ३७१.६१ विन्दुमा पुगेको छ । यो दिन नेप्सेमा सूचीकृत मध्ये ३०६ वटा कम्पनीको ८० लाख ४२ हजार ७६७ कित्ता सेयर ३ अर्ब ९९ करोड २९ लाख रुपैयाँभन्दा बढीको कारोबार भएको छ ।
आजको बजारबारे नेपाल इन्भेष्टर्स फोरमका उपाध्यक्ष राजन लम्साल भन्छन्,‘लगानीकर्ताको मनोबल बढ्न नसक्दा बजार बढ्न सकेको छैन । सरकार र नियामक निकायले पूँजी बजारलाई प्राथमिकतामा नराख्दा बजारमा दबाव परेको छ । लगानीकर्ताले अहिलेको करलाई बजेटमार्फत नै अन्तिम कर हुने अपेक्षा गरेका थिए । तर त्यसो हुन सकेन र मौद्रिक नीति पनि आउन केहि समय लाग्ने भएका कारण लगानीकर्ताले ढुक्क भएर लगानी गर्न सकेका छैनन् । ’
यद्यपी ४ अर्ब कारोबार हुनुले सेयर कर्नरिङ पनि भईरहेको हुन सक्ने आँकलन उनले गरे ।
अर्का बजार जानकार सुवासचन्द्र ढुंगाना भन्छन्,‘लगानीकर्ताहरु दोधारमा हुँदा बजारले गति लिन सकेको छैन । ब्रोकरको पैसाबाट उधारो कारोबारमा बजार चलेपछि बजारले गति लिन सकेको छैन ।
लगानीकर्ताहरु अहिले कम्पनीहरुको चौथो त्रैमासिक रिपोर्ट र मौद्रिक नीतिको प्रतिक्षामा रहेकाले यसपछि मात्रै लगानी सम्बन्धी रणनीति बनाउने तरखरमा लागेको र बजार २१ सयभन्दा माथि गएमा बजारले गति लिने ढुंगाना बताउँछन् ।
यो दिन नेप्सेमा सूचीकृत १३ वटा समूहमध्ये ४ वटामा हरियाली छायो भने ८ वटामा रातो पोतियो र एउटा समूह अपरिवर्तित रह्यो । आज म्युचुअल फण्ड समूहमा सबैभन्दा धेरै वृद्धि देखियो । यो समूह आज ४.९२ प्रतिशतले बढ्यो ।
त्यस्तै आज वित्त समूह ०.०९ प्रतिशत,उत्पादन तथा प्रशोधन ०.४२ र लघुवित्त समूह १.३१ प्रतिशतले बढ्यो । आज लगानी समूहमा कुनै पनि परिवर्तन भएन ।
(1).gif)
यो दिन बैंकिङ समूह ०.६६,विकास बैंक ०.३०,होटल ०.५६,हाईड्रो ०.६४,जीवन बीमा ०.५४,निर्जीवन बीमा समूह ०.२४,अन्य ०.६८ र व्यापार समूह १.०३ प्रतिशतले घट्यो ।
धेरै कारोबार गर्ने कम्पनीहरु
आज एनआरएन इन्फ्रास्ट्रक्चरको सर्वाधिक सेयर कारोबार भयो । आज यो कम्पनीको १९ करोड ३ लाख बढीको सेयर कारोबार भयो ।
त्यस्तै आज सिईडिबि हाईड्रोको १८ करोड ४३ लाख,सानिमा माई हाईड्रोको १६ करोड ९९ लाख र पोखरा फाइनान्सको १२ करोड ६ लाख बढीको सेयर कारोबार भयो ।
धेरै कमाउने र गुमाउने कम्पनीहरु
आज भगवति हाईड्रोपावर, मनकामना स्मार्ट लघुवित्त र माईखोला हाईड्रोको सेयरमूल्यमा सकारात्मक सर्किट लाग्यो ।
यो दिन विजय लघुवित्तको सेयरमूल्य ७.९० प्रतिशत,लक्ष्मी लघुवित्तको ७.६४ र नाडेप लघुवित्तको सेयरमूल्य ७.३२ प्रतिशतले बढ्यो ।
आज अपर लोहोरे खोला जलसविद्युत कम्पनीको सेयरमूल्य सर्वाधिक अर्थात ५.५१ प्रतिशतले घट्यो ।
.gif)
.png)
.png)
(68).jpg)
(25).jpg)
(90).jpg)
.gif)
(1).gif)
.gif)
