.gif)
(2).gif)
_(1).gif)
.png)
काठमाण्डौ । आज नेप्सेमा कारोबार र भोल्युम दुवैमा बढोत्तरी आएको छ । दिनभरको कारोबारमा बजार करिब ९ अंकले बढेर बन्द भएको छ । पछिल्लो ८ कारोबारमा बजारले २०७० आसपामा बलियो सपोर्ट लिएको छ भने २१०० आसपासमा कडा प्रतिरोध लिएको छ ।
प्राविधिक रुपमा बजारलाई बोलिङ्गर ब्याण्डमार्फत नियाल्दा बजारले मध्य ब्याण्डमा सपोर्ट लिन खोजेको देखिन्छ । त्यसैगरि, बजारलाई पछिल्लोपटक कारोबार तथा भोल्युमले राम्रै साथ दिएको छ । लगातार २ दिन ५ अर्बमाथि कारोबार हुनु बजारको सकारात्मक पक्ष रहेको छ । तर बजारमा बैंकिङ र जलविद्युत क्षेत्र नचल्दा २१ सय माथि जान सकेको छैन ।
आज जलविद्युत क्षेत्र केही चलयमान भएको देखिन्छ । यदि आगामी दिनमा हाई क्याप भएका क्षेत्र पनि बजारमा चल्दै गएको खण्डमा भने बजारले सजिलै २१ सयको प्रतिरोधलाई ब्रेक गरेर अप ट्रेन्ड लिन सक्छ ।
तर बजार यदि मध्य ब्याण्डबाट तल खसेमा भने केही अंक बजारले गुमाउन पनि सक्छ । यद्यपी बजारको पछिल्लो अवस्थालाई नियाल्ने हो भने नेप्सेमा ठूलो अंकले करेक्सन आउने अवस्था भने देखिदैन ।
नोट ः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।
.gif)
.png)
.jpg)
.jpg)
(6).png)
(52).jpg)
(1).gif)
