.gif)
_(1).gif)
.jpg)
.png)
काठमाण्डौ । पूँजी बजारसँग सम्बन्धित लगानीकर्ताका विभिन्न संगठनहरूले धितोपत्र बोर्डको अध्यक्षमा आर्थिक चलखेल हुन नदिन र दक्ष व्यक्ति नियुक्त गर्न सरकारसँग माग गरेका छन् । विभिन्न ४ वटा लगानीकर्ता संगठनहरुले संयुक्त विज्ञप्ति जारी गर्दै यस्तो आग्रह गरेका हुन् ।
जनरल इन्भेस्टर एसोशएसन, नेपाल सेयरधनी संघ, नेपाल धितोपत्र लगानीकर्ता संघ र साधारण लगानीकर्ता संघ नेपालले संयुक्त प्रेस विज्ञप्ती जारी गर्दै अध्यक्ष नियुक्तिलाई पारदर्शी बनाई योग्य व्यक्तिलाई नियुक्त गर्न सरकारसँग माग गरेका छन् ।
केही व्यावसायिक घरानाका व्यक्तिहरु आफ्नो नीहित स्वार्थको लागि बोर्ड अध्यक्षमा नजिकको मान्छे नियुक्त गर्न लागिपरेको भन्दै संघहरुले ध्यानाकर्षण गराएका हुन् ।
‘नेपाल धितोपत्र बोर्ड पुस महिनादेखि अध्यक्षविहिन छ । लामो समयदेखि धितोपत्र बोर्डजस्तो संवेदशनशिल क्ष्नियामक निकायमा सरकारले अध्यष नियुक्त गर्न नसक्नु लज्जाको विषय हो,’ विज्ञप्तीमा भनिएको छ ‘हाल विभिन्न पत्रपत्रिका तथा सञ्चारमाध्यमममा बोर्ड अध्यक्षको नियुक्तीको विषयलाई लिएर ठूलो आर्थिक चलखेल भएको कुरा सार्वजनिक भएको छ । केहि व्यवसायिक घरानाले आफ्नो निहित स्वार्थका लागि बोर्डको अध्यक्षमा आफ्नो नजिकको मान्छे नियुक्ती गर्न सरकारलाई दबाव दिएको सुन्नमा आएकाले हाम्रो गम्भिर ध्यानाकर्षण भएको छ ।’
धितोपत्र बोर्ड स्वायत्त निकाय हुन आवश्यक रहेको उल्लेख गर्दै विज्ञप्तीमा भनिएको छ,‘ संवेदनशील निकायमा पार्टीगत भागबण्डा, पैसा र शक्तिको आडमा गरिने कार्यले स्वच्छ लगानीको वातावरण सिर्जना गर्न सक्दैन । अनुभवी, स्वतन्त्र, पूँजी बजारसम्बन्धी राम्रो ज्ञान भएको विज्ञ व्यक्तिलाई सरकारले यथाशक्य बोर्डमा नियुक्त गरोस्, अन्यथा सरकारको गलत कामलाई टुलुटुलु हेरेर बस्न नसक्ने र तथ्यगत प्रमाणको आधारमा आवश्यक कदम चाल्न बाध्य हुनेछौं ।’
आज सर्टलिस्टमा परेका ५ जनाले बोर्ड अध्यक्ष नियुक्तिका लागि कार्ययोजना प्रस्तुत गर्दैछन् ।
.gif)
.png)
(31).jpg)
.jpg)
.jpg)
.gif)
.gif)
.gif)
