.gif)
_(1).gif)
.jpg)
.png)
काठमाण्डौ । साताको पहिलो कारोबार दिन आज नेपाल स्टक एक्सचेञ्च(नेप्से) मा दोहोरो अंकको गिरावट आएको छ । आज नेप्से परिसूचक ०.८० प्रतिशत अर्थात १७.०४ अंकले घटेर २०९५.२५ विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.८६ प्रतिशतले घटेर ३७०.९३ विन्दुमा पुगेको छ । यो दिन नेप्सेमा सूचीकृत मध्ये ३१७ वटा कम्पनीको १ करोड ३२ लाख २३ हजार ८८४ कित्ता सेयर ५ अर्ब ४७ करोड २२ लाख रुपैयाँभन्दा बढीको कारोबार भएको छ ।
आजको बजारबारे बजार जानकार महेश रिजाल भन्छन्, ‘प्रायःआइतबार बजारमा बिक्री दबाव पर्ने गर्छ । अहिले सेयर धितो कर्जा सहज भएपनि कर्जा लिन आम्दानीको स्रोत पुगेको छैन । सहकारी र घरजग्गामा पनि ठूलो रकम फसेको छ । यी र यस्तै कारणले बजार चलायमान हुन सकिरहेको छैन ।’
नियमनकारी निकाय पनि बजारप्रति सकारात्मक नहुनु र अस्थिर सरकारको भयले पनि बजार बढ्न नसकिरहेको रिजाल बताउँछन् ।
अर्का बजार जानकार दामोदर गजुरेल भन्छन्,‘धितोपत्र बोर्डमा नयाँ अध्यक्ष आउने कुराले लगान्रीकर्ताको मनोबल बढेको थियो । तर अन्तर्वार्ताका लागि २ जनाले मात्रै उपस्थित भएको खबर आएपछि लगानीकर्ता निरुत्साहित बने ।’
गजुरेलको विचारमा अहिले पूँजी बजार राजनीतिको खिचातानी परेको छ । उनका अनुसार सत्ताधारी दुई शक्तिहरु बीचको जुँगाको लडाईले पूँजी बजारमा नकारात्मक प्रभाव पर्दा आज बजार घट्न पुगेको हो । पूँजी बजारका विकासका लागि बजारलाई राम्ररी बुझेको व्यक्ति बोर्डको अध्यक्ष पदमा आउनुपर्ने उनले माग गरे ।
यो दिन नेप्सेमा सूचीकृत १३ वटा समूहमध्ये एउटा मात्रै समूहमा हरियाली छायो भने अन्य सबै समूहमा रातो पोतियो । आज होटल समूह मात्रै ०.०४ प्रतिशतले बढ्यो ।
(1).gif)
यो दिन लघुवित्त समूहमा सर्वाधिक अर्थात १.७१ प्रतिशतको गिरावट आयो । साथै आज बैंकिङ समूह ०.८५ प्रतिशत,विकास बैंक १.२०,वित्त ०.७४,हाईड्रो ०.२३,लगानी ०.८२,जीवन बीमा ०.३६,उत्पादन तथा प्रशोधन ०.९५,म्युचसअल फण्ड ०.१८,निर्जीवन बीमा ०.६३, अन्य १.१२ र व्यापार समूह ०.०९ प्रतिशतले घट्यो ।
धेरै कारोबार गर्ने कम्पनीहरु
यो दिन नेपाल फाइनान्सको सर्वाधिक सेयर कारोबार भयो । आज यो कम्पनीको ३० करोड ४० लाख बढीको सेयर कारोबार भयो ।
त्यस्तै एनआरएन इन्फ्रास्ट्रक्चरको १८ करोड १९ लाख,ङादी ग्रुप पावरको १५ करोड २५ लाख,सिईडिबि हाईड्रोको १३ करोड २७ लाख र समृद्धि फाइनान्सको १३ करोड १ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेपाल फाइनान्स र मनकामना स्मार्ट लघुवित्तको सेयरमूल्यमा सकारात्मक सर्किट लाग्यो । यो दिन शिवश्री हाईड्रोको सेयरमूल्य ८.१७ प्रतिशत,कुथेली बुखरी स्मल हाईड्रोको सेयरमूल्य ७.३५ प्रतिशत र दिव्यश्वरी हाईड्रोको सेयरमूल्य ६.७१ प्रतिशतले बढ्यो ।
आज भगवति हाईड्रोको सेयरमूल्य सर्वाधिक अर्थात १० प्रतिशतले घट्यो । यो कम्पनीको सेयर्मूल्यमा आज नकारात्मक सर्किट लाग्यो । साथै आज समृद्धि फाइनान्सको सेयरमूल्य ६.११ प्रतिशत,ग्लोबल आइएमई लघुवित्तको ५.४९ र मुक्तिनाथ कृषि कम्पनीको सेयरमूल्य ५.१६ प्रतिशतले घट्यो ।
.gif)
.png)
.png)
(68).jpg)
(25).jpg)
(90).jpg)
.gif)
(1).gif)
.gif)
