.gif)
_(1).gif)
.png)
काठमाण्डौ । पछिल्लो समय फाइनान्स कम्पनीहरुको सेयरभाउ बढ्दै जाँदा नेपाल फाइनान्सको सेयरभाउ सबैभन्दा उच्च पुगेको छ । यो कम्पनीको सेयरभाउ आज ९२० रुपैयाँमा अन्तिम कारोबार भएको छ ।
कारोबार समय चलिरहँदा यो मूल्यमा पनि २० वटा अर्डरमार्फत करिब ११ लाख कित्ता सेयर माग भएको छ भने बिक्रीकर्तातर्फ शून्य रहेको छ ।
कम्पनीको सेयरमा कुल माग भने १५ लाखभन्दा बढी कित्ता रहेको छ । माग र आपूर्तिको हिसाबले यो कम्पनीको सेयर आगामी दिनमा एकहजार रुपैयाँ माथि नै कारोबार हुनसक्ने देखिन्छ ।
(1).gif)
यो कम्पनीको सेयरमूल्य असार महिनाका ६ कारोबार दिनमै ३ सय रुपैयाँलाई बढाइसकिएको छ । असार २ गते ६०२ रुपैयाँ रहेको यो कम्पनीको सेयरभाउ एक सातामा ९०२ रुपैयाँ पुगेको छ ।
यसरी रकेटको गतिमा मूल्य बढ्नु पछाडिको खास कारण केही छैन । न यो कम्पनीले वित्तीय सूचकहरुमा कुनै चमात्कार गरेको छ न रातारात सेयर किनेर राख्नेहरुलाई मालामाल बनाउने कुनै प्रगति नै । चलखेल गर्ने गिरोहहरुले नियोजित रुपमा यो कम्पनीको सेयरमूल्य उचालेको देखिन्छ ।
आधारभुत रुपमा हेर्दा कम्पनीको चुक्ता पूँजी करिव ७३ करोड कित्ता रहेको छ । जसमा सर्वसाधरण तर्फ ४० प्रतिशत मात्रै सेयर रहेको छ । बजारमा कम्पनीको ३३ लाख ५५ हजार ७७५ कित्ता सेयर साधारण सेयरको रुपमा सूचीकृत छ । ५० लाख ३३ हजार ६६४ संस्थापक सेयर छन् ।
पछिल्लो समय लो क्याप र थोरै कित्ता भएका कम्पनीका सेयर चल्दै जाँदा अल्पकालिन कारोबारी पनि यस्ता कम्पनीमा छिरेका हुनसक्ने लगानीकर्ता बताउँछन् । बजारका एक ठूला लगानीकर्ताले भने-'ठूला र उच्च पूँजी भएका कम्पनी चल्दै चल्दैनन् । त्यसैले यस्तो लो क्याप कम्पनीमा लगानीकर्ता लागेका हुनसक्छन् । तर यस्ता कम्पनीमा लगानी गर्दा भने उच्च जोखिम हुन्छ । किनकि यस्ता कम्पनीको सेयरमूल्य घट्न थालेपछि भने किन्ने कोही हुँदैन ।'
यस कम्पनीको फ्लोर सिट् हेर्दा सोमबार कलश सेक्युरिटिज(स्कट ब्रोकर नम्बर ७४)बाट उच्च खरिद रहेको छ भने इम्पेरियल सेक्युरिटिज(स्टक ब्रोकर नम्बर ४५)बाट उच्च बिक्री देखिएको छ ।
कम्पनीको ब्रोकर होल्डिङ नियाल्दा भने ब्रोकर नम्बर ४१(लिञ्च सेक्युरिटिज)मार्फत १ लाख कित्ता र ब्रोकर नम्बर २२(सिप्रबी सेक्युरिटिज)मार्फत ८४ हजार कित्ता होल्डिङ रहेको छ ।
बिक्रीतर्फ नियाल्दा नासा सेक्युरिटिज(स्टक ब्रोकर नम्बर ५८) र डाइनामिक मनी म्यानेजर .स्टक ब्रोकर नम्बर ४४) बाट उच्च बिक्री देखिन्छ ।
खराब वित्तीय अवस्था
चालु आर्थिक वर्षको तेश्रो त्रैमाससम्मको यो कम्पनीको वित्तीय विवरण हेर्दा दैनिक पोजिटिभ सर्किट लाग्नुपर्ने खालको परफरमेन्स छैन ।
७२ करोड ९४ लाख चुक्तापूँजी रहेको यो कम्पनीको तेश्रो त्रैमाससम्मको वितरणयोग्य नाफा २२ करोड १० लाखले नेगेटिभ रहेको छ ।
खूद नाफा १३ लाख १८ हजार मात्र छ । अघिल्लो वर्षको यही अवधिका कम्पनीको नाफा १ करोड ३ लाख माथि थियो । खूद नाफामै पनि निकै ठूलो पहिरो व्यहोरेको कम्पनीमा खराब कर्जा ९.२४ प्रतिशत रहेको छ ।
वार्षिकीकृत प्रतिसेयर आम्दानी(इपीएस) २४ पैसा मात्र छ भने प्रतिसेयर नेटवर्थ १३५ रुपैयाँ हाराहारी छ । पीई अनुपात १८६२ गुणा छ ।
अघिल्लो आर्थिक वर्षको तेश्रो त्रैमासको तुलनामा यो कम्पनीको रिजर्भको आकार पनि घटेको देखिन्छ ।
यी सबै मुख्य वित्तीय सूचकले कम्पनी कति कमजोर अवस्थामा छ भन्ने देखाउँछ । तर, यही कमजोर कम्पनीको सेयर नियोजित रुपमा रकेटको गतिमा उडाइएको छ । गिरोहहरुको यो खेलमा सर्वसाधारण पनि चूपचाप फसिरहेका छन् ।
यस्ता कमजोर कम्पनीको सेयरमूल्य गिरोहहरुले सेटिङमा बढाइरहँदा बजारको मुख्य नियामक धितोपत्र बोर्ड, फ्रन्ट लाइन रेगुलेटरको काम गर्ने नेप्से वा अन्य कुनै पनि निकायले चासो दिएका छैनन् ।
.gif)
.png)
(1).jpg)
(1)(1).jpg)
.jpg)
.jpg)
.jpg)
.gif)
.gif)
