.gif)
.gif)
(15).jpg)
.png)
काठमाण्डौ । साताको चौथो कारोबार दिन आज पनि नेपाल स्टक एक्सचेञ्च(नेप्से) मा दोहोरो अंकको वृद्धि भएको छ । आज नेप्से परिसूचक १.०८ प्रतिशत अर्थात २३.२५ अंकले बढेर २ हजार १७५.४० विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि १.२६ प्रतिशतले बढेर ३८५.७५ विन्दुमा पुगेको छ । यो दिन नेप्सेमा सूचीकृत मध्ये ३२२ वटा स्क्रिप्टको १ करोड ५२ लाख ९६ हजार ७३९ कित्ता सेयर ५ अर्ब ७४ करोड ४० लाख रुपैयाँभन्दा बढीको कारोबार भएको छ ।
आजको बजारबारे बजार जानकार सरोज भट्टराई भन्छन्, ‘ वर्तमान समय भनेको लगानीको सिजन हो । बजारमा नकारात्मक विषय त्यति नभएकाले पनि आज बजार बढ्न पुगेको छ । कारोबारको रुपमा आज बजारको बजारलाई सन्तोषजनक नै मान्न सकिन्छ । बजारमा क्लोजिङको दबाव सोचे अनुरुप नआउदा बजारमा बिक्री चाप यसपालि देखिएको छैन ।’
सत्ता समीकरणमा परिवर्तन आयो भने अर्थमन्त्रीमा विष्णु पौडेलको सम्भावना बलियो भएकाले लगानीकर्ताको मनोबल बढेको उनले बताए । यस्तै भट्टराईले आगामी साताबाट बजारले थप गति लिन सक्ने आँकलन गरे ।
अर्का बजार जानकार दामोदर गजुरेल भन्छन्,‘आजको बजार बढ्नुको मुख्य कारण सेलिङ पे्रसर घट्नु हो । राजनीतिक सत्ता परिवर्तन भएर गभर्नर र प्रधानमन्त्री एउटै पार्टीको हुने सम्भावना देखिएकाले लचक मौद्रिक नीति आउने अपेक्षा गर्न सकिन्छ ।’
बजार दिगो हुनलाई नियामक निकायले समेत अग्रसरता देखाउनु पर्नेमा गजुरेलले जोड दिए । ‘बजारमा सकारात्मक प्रभाव देखिरहेको छ र साउनदेखि बजार सुधारिदै जाने देखिन्छ,’ उनले भने ।
यो दिन नेप्सेमा सूचीकृत १३ वटा समूह मध्ये एउटा समूह बाहेक अन्य सबै समूहमा हरियाली छाएको छ । आज बैंकिङ समूहमा सर्वाधिक वृद्धि देखियो । यो समूह आज १.६९ प्रतिशतले उकालो लाग्यो ।
यस्तै आज वित्त समूह १.१५ प्रतिशत,होटल ०.९४,हाईड्रो १.०७, लगानी ०.६४,जीवन बीमा ०.७७, उत्पादन तथा प्रशोधन ०.६०,लघुवित्त १.५४, म्युचुअल फण्ड ०.४५,निर्जीवन बीमा १.२९, अन्य ०.४८ र व्यापार समूह ०.०७ प्रतिशतले बढ्यो ।
आज घट्ने एउटा मात्रै समूहको रुपमा विकास बैंक समूह रह्यो। यो समूह आज ०.२९ प्रतिशतले घट्यो ।
धेरै कारोबार गर्ने कम्पनीहरु
यो दिन हाथवे कम्पनीको सर्वाधिक सेयर कारोबार भएको छ । आज यो कम्पनीको १५ करोड ८ लाख बढीको सेयर कारोबार भयो । जानकी फाइनान्सको आज १४ करोड ८२ लाख,एनआरएन इन्फ्रास्ट्रक्चरको ११ करोड ३९ लाख,सिईडिबि हाईड्रोको ९ करोड १४ लाख र ङादी ग्रुप पावरको ८ करोड ८० लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएको कम्पनीहरुमध्ये बलेफि हाईड्रोको सेयरमूल्यमा मात्रै सकारात्मक सर्किट लाग्यो । आज यो कम्पनीको सेयरमूल्य ९.९९ प्रतिशतले बढ्यो ।
यस्तै सिक्लेस हाईड्रोको सेयरमूल्य ८.३२ प्रतिशत र एनआईसी एशिया लघुवित्तको ७.८१ प्रतिशतले बढ्यो ।
आज वुद्धभूमी नेपाल हाईड्रोको सेयरमूल्य सर्वाधिक अर्थात १० प्रतिशतले घट्यो । समाज लघुवित्तको सेयरमूल्य आज ९.८८ प्रतिशत र ग्लोबल आइएमई लघुवित्तको सेयरमूल्य ४.२८ प्रतिशतले घट्यो ।
.png)
.jpg)
.png)
.gif)
.gif)
.gif)