.gif)
.gif)
.png)
काठमाण्डौ । चितवनको भरतपुर–२९ सिमलतालमा पहिरोले बगाएर बेपत्ता भएकामध्ये १३ जनाको शव भेटिएको छ । गत शुक्राबार पहिरोका कारण बगाएका २ वटा बसमा सवार ९ वटा यात्रुको शव नवलपुरमा भेटिएका छन् ।
यस्तै चितवनमा ३ र नवलपरासी, बर्दघाट–सुस्तापश्चिममा एउटा शव भेटिएको प्रहरीले जनाएको छ । नवलपरासीमा हिजो ४ वटा शव भेटिएको थियो ।
.gif)
नवलपुरमा हालसम्म भेटिएका ९ शवमध्ये ५ को पहिचान खुलेको छ । हिजो बिहान गण्डक ब्यारेज पुलमा भेटिएका २ शवमध्ये एउटा करिब १९ वर्षीया महिला र अर्को करिब ३० वर्षीय पुरुष रहेका प्रहरीले जनाएको छ ।
यस्तै मध्यविन्दु–२ भुताहास्थित नारायणी नदीको टापुमा भेटिएको शव करिब ४५ वर्षीय पुरुषको तथा विनयी त्रिवेणी गाउँपालिका–७ गण्डक ब्यारेजको पुलमा करिब १३ वर्षीय बालकको रहेको प्रहरीले जनाएको छ ।
प्रहरीका अनुसार गैँडाकोट–७ गैरीमा भेटिएका दुईवटा शवमध्ये एउटा सर्लाहीको बरहथवा नगरपालिका–३ का १९ वर्षीय रमित कसुर माझी र अर्को चितवनको माडी–१ का २२ वर्षीय विकास परियारको हो ।
हालसम्म ३ जिल्लामा भेटिएका १३ वटा शवमध्ये ५ वटा शवको पहिचान हुन सकेको छैन ।
.png)
.jpg)
.jpg)
.jpg)
.gif)
.gif)
.gif)