.gif)
_(1).gif)
.jpg)
.png)
काठमाण्डौ । साताको चौथो कारोबार दिन आज नेपाल स्टक एक्सचेञ्च(नेप्से) मा आज पनि दोहोरो अंकको उछाल आएको छ । आज नेप्से परिसूचक २.३३ प्रतिशत अर्थात ५४.०४ अंकले बढेर २ हजार ३६४.६३ विन्दुमा पुगेको छ ।
अघिल्लो दिन पनि नेप्सेमा ७० अंकको उछाल आएको थियो । उक्त दिन बजारमा ९ अर्ब १३ करोड बढीको कारोबार भएको थियो ।
आज बलिया र राम्रा कम्पनीको मापक सेन्सेटिभ इन्डेक्स पनि २.५० प्रतिशतले बढेर ४१९.७७ विन्दुमा पुगेको छ । यो दिन नेप्सेमा सूचीकृत मध्ये ३०६ वटा स्क्रिप्टको ३ करोड २० लाख ९५ हजार ९३७ कित्ता सेयर १२ अर्ब ५ करोड ९२ लाख रुपैयाँभन्दा बढीको कारोबार भएको छ ।
आज भएको कारोबार २०७८ भदौ १० पछिकै उच्च् हो । त्यसदिन नेप्सेमा १३ अर्ब बढीको कारोबार भएको थियो ।
आजको बजारबारे बजार जानकार यज्ञ घिमिरे भन्छन्, ‘मौद्रिक नीतिको मिति नजिकिदै गर्नु, ब्याजदर निरन्तर ओरालो लाग्दै गर्नु र नयाँ राजनीतिक समीकरणले माहोल सकारात्मक बन्दा आज बजारमा उछाल आएको छ । अब आउने मौद्रिक नीति पनि केहि लचक आउनसक्ने र अर्थमन्त्री पनि पूँजीबजारप्रति सकारात्मक हुनुले बजार अझै माथि जान सक्छ ।’
घिमिरेले अर्थमन्त्री र गभर्नरबीच तालमेल मिल्ने लगानीकर्ताको अपेक्षाका कारण बजारले गति लिएको हो ।
नेपाल इन्भेष्टर्स फोरमका उपाध्यक्ष राजन लम्साल भन्छन्,‘ साउनमा पनि बैंकहरुले ब्याजदर कटौती गर्नु, तरलता सहज हुनु र नयाँ सरकार गठन जस्ता विषयले बजारमा सुधार आएको छ । अहिले संस्थागत ब्याजदर पनि ४ प्रतिशतमा झरेको छ । जसका कारण संस्थागत लगानीकर्ता पनि निक्षेप राख्न भन्दा सेयरबजारमा लगानी गर्न उपयुक्त ठानेर बजार प्रवेश गरेका छन् । यस्तै कारणले आज बजारमा १२ अर्ब बढीको कारोबार भएको छ ।’
लम्सालले अहिलेको वृद्धि ट्रेलर मात्रै भएको र असली बुल मौद्रिक नीतिपछि आउने दाबी गरे ।
(1).gif)
यो दिन नेप्सेमा सूचीकृत १३ वटै समूहमा हरियाली छाएको छ । आज व्यापार समूहमा सबेभन्दा धेरै वृद्धि देखियो । यो समूह आज ७.३० प्रतिशतले बढ्यो ।
त्यस्तै आज बैंकिङ समूह २.०८ प्रतिशत, विकास बैंक ४.०९, होटल समूह ५.५५,वित्त ५.५० ,लगानी १.५३,जीवन बीमा २.१४,उत्पादन तथा प्रशोधन ३.०२,लघुवित्त १.८४,म्युचुअल फण्ड ०.०८,निर्जीवन बीमा ३.३४,अन्य १.३६ र व्यापार समूह २.१२ प्रतिशतले बढ्यो ।
धेरै कारोबार गर्ने कम्पनीहरु
यो दिन सिंगटी हाईड्रोको सर्वाधिक सेयर कारोबार भयो । आज यो कम्पनीको २३ करोड ५५ लाख बढीको सेयर कारोबार भयो । एनआरएन इन्फ्रास्ट्रक्चरको आज २२ करोड ७१ लाख,सोनापुर मिनरल्सको २० करोड ३० लाख,हिमाल दोलखा हाईड्रोपावरको २० करोड २१ लाख र अरुण भ्याली हाईड्रोको १९ करोड ४३ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएका ६ वटा कम्पनीको सेयरमूल्य सकारात्मक सर्किट लाग्यो । आज सेन्ट्रल फाइनान्स,सिंगटी हाईड्रो,आँखुखोला जलविद्युत,मन्दाकिनी हाईड्रो,सिईबिडि हाईड्रो र आरम्भ चौतारीको सेयरमूल्यमा सकारात्मक सर्किट लाग्यो ।
आज मल्टीपर्पस फाइनान्सको सेयरमूल्य ८.९४ प्रतिशत,एसटीसीको ८.१६,आईसीएफसी फाइनान्सको ८.१० र एनआरएन इन्फ्रास्ट्रक्चरको सेयरमूल्य ७.९१ प्रतिशतले बढ्यो ।
यो दिन माण्डु हाईड्रोको सेयरमूल्य सर्वाधिक अर्थात ३.५७ प्रतिशतले घट्यो ।
.gif)
.png)
.jpg)
.jpg)
.jpg)
.gif)
.gif)
