सौर्य एयरलाइन्सको जहाज दुर्घटना, १८ जनाको शव निकालियो

काठमाण्डौ । त्रिभुवन अन्तर्राष्ट्रिय विमानस्थलमा सौर्य एयरलाइन्सको जहाज दुर्घटना भएको छ । आज काठमाण्डौबट पोखराका लागि उडेको सौर्य एयरलाइन्सको जहाज बिहान ११ बजे विमानस्थलमा नजिकै दुर्घटना भएको हो ।

उक्त विमानमा चालक दलका सदस्यसहित १९ जना सवार थिए । दुर्घटनापश्चात अहिले उद्धार कार्य जारी छ। प्रारम्भिक जानकारीअनुसार हालसम्म कम्तीमा १८ जनाको शव निकालिएको छ । विमानका चालक मनिष शाक्य शाक्यको भने उद्धार गरिएको छ । अहिले उनको केएमसी अस्पताल सिनामंगलमा उपचार भइरहेको छ ।

त्रिभुवन विमानस्थलबाट पोखरा उड्ने क्रममा सौर्यको ९ एन–एएमई सीआरजे २०० विमान दुर्घटनामा परेको थियो। दुर्घटनापश्चात त्रिभुवन अन्तर्राष्ट्रिय विमानस्थलको उडान–अवतरण सेवा बन्द भएको छ ।