.gif)
_(1).gif)
.png)
.png)
काठमाण्डौ । साताको तेस्रो कारोबार दिन आज पनि नेपाल स्टक एक्सचेञ्च (नेप्से)मा दोहोरो अंकको वृद्धि आएको छ । आज नेप्से परिसूचक १.३३ प्रतिशत अर्थात ३५.५५ अंकले बढेर २ हजार ६९६.६५ विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.६७ प्रतिशतले बढेर ४८५.३८ विन्दुमा पुगेको छ । यो दिन नेप्सेमा सूचीकृत मध्ये ३२९ वटा स्क्रिप्टको ४ करोड ३ लाख ७१ हजार ७७८ कित्ता सेयर १७ अर्ब २६ करोड ६३ लाख रुपैयाँभन्दा बढीको कारोबार भएको छ ।
आज नेप्से परिसूचकमा तीव्र उतारचढाव देखिएको थियो । नेप्से परिसूचक आज न्यूनतम २६०९ अधिकतममा २७०९ विन्दुसम्म पुगेको थियो ।
आजको बजारबारे अर्थशास्त्री सूर्यनारायाण पौडेल भन्छन्, ‘अहिले बजार लगानीकर्तालाई झुक्याउँदै अघि बढिरहेको छ । बुल बजारको विशेषता भनेकै यहि हो । यस्तो बजारमा लगानीकर्ता सचेत समेत हुनुपर्छ । भि–सेपमा बढेको बजारमा जुनुसुकै बेला पनि करेक्सन आउन सक्छ । त्यसैले टार्गेट राखेर नाफा बुक पनि गर्नुपर्छ ।’
अहिले बजारका लागि आवश्यक सबै वातावरण सकारात्मक भएकाले बजार बढेको उनले बताए । यद्यपी बजार सधैं बढेको बढ्यै भने नगर्ने अर्थशास्त्री पौडेलले भने ।
अर्का बजार जानकार दामोदर गजुरेल भन्छन्,‘ बैंक तथा वित्तीय संस्थालाई राष्ट्र बैंकले गरेको सहज नीतिका कारण बजारमा सुधार आएको हो । कारोबार पनि राम्रो भईरहेको छ । यसमा संस्थागत लगानीकर्ताले समेत लगानी बढाएको र सेक्टर रोटेशन भएर बजार अघि बढिरहेको देख्न सकिन्छ ।’
तर बढेको बजारले कहाँबाट करेक्सन लिन्छ भन्न गाह्रो भएतापनि सामान्य करेक्सनले बजारलाई बलियो नै बनाउने उनले दाबी गरे ।
(1).gif)
यो दिन नेप्सेमा सूचीकृत १३ वटा समूहमध्ये ४ वटा बाहेक अन्य सबैमा हरियाली छायो । आज होटल समूहमा सर्वाधिक उछाल आयो । यो समूह आज ५.९९ प्रतिशतले बढ्यो भने वित्त ५.९८, विकास बैंक २.४०,हाईड्रो ३.१२,लगानी ३.१५,जीवन बीमा ०.५८, उत्पादन तथा प्रशोधन ०.३५,लघुवित्त ०.९८ र अन्य समूह ३.५२ प्रतिशतले बढेको छ ।
धेरै कारोबार गर्ने कम्पनीहरु
यो दिन हिमालय रि इन्स्योरेन्सको सर्वाधिक सेयर कारोबार भयो । आज यो कम्पनीको ६० करोड १० लाख बढीको सेयर कारोबार भयो ।
यस्तै आज शिवम् सिमेन्टको ३७ करोड ६७ लाख,सोल्टी होटलको ३६ करोड ४३ लाख,नेपाल फाइनान्सको ३५ करोड ३८ लाख र चिलिमे हाईड्रोपावरको २७ करोड ७६ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएका ९ वटा कम्पनीको सेयरमूल्यमा सकारात्मक सर्किट लाग्यो । आज प्रोग्रेसिभ फाइनान्स,वरुण हाईड्रोपावर,सान्जेन जलविद्युत,नेपाल वेयरहाउजिङ,सिईडिबि हाईड्रोपावर,नेपाल फाइनान्स,मध्य भोटेकोशी,हाथवे इन्भेष्टमेन्ट र मुक्तिनाथ कृषि कम्पनीको सेयरमूल्यमा सकारात्मक सर्किट लाग्यो ।
यस्तै आज सगरमाथा जलविद्युत कम्पनीको सेयरमूल्य ९.४५ प्रतिशत, समृद्धि फाइनान्स ९.२५, ग्रिन लाइफ हाईड्रो ८.९१ र साइन रेसुङ्गा डेभलपमेन्ट बैंकको सेयरमूल्य ८.८४ प्रतिशतले बढ्यो ।
यो दिन एशियन हाईड्रोपावरको सेयरमूल्य सर्वाधिक अर्थात १० प्रतिशतले घट्यो । यससँगै आज यो कम्पनीको सेयरमूल्यमा नकारात्मक सर्किट लाग्यो । गणपति लघुवित्तको सेयरमूल्य आज ६.११ प्रतिशत र युनिलिभर नेपालको सेयरमूल्य ३.६५ प्रतिशतले घट्यो ।
.gif)
.png)
.jpg)
.jpg)
.jpg)
(91).jpg)
(4).png)
.gif)
(1).gif)
.gif)
