.gif)
(2).gif)
.jpg)
_(1).gif)
.png)
काठमाण्डौ । साताको चौथो कारोबार दिन आज पनि नेपाल स्टक एक्सचेञ्च (नेप्से)मा उच्च अंकको उछाल आएको छ । आज नेप्से परिसूचक ४.०८ प्रतिशत अर्थात १०८.३५ अंकले बढेर २ हजार ७५९.६७ विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ४.०६ प्रतिशतले बढेर ४८३.४६ विन्दुमा पुगेको छ । यो दिन नेप्सेमा सूचीकृत मध्ये ३३० वटा स्क्रिप्टको ३ करोड ८० लाख ४१ हजार २६७ कित्ता सेयर १७ अर्ब ९५ करोड ९ लाख रुपैयाँभन्दा बढीको कारोबार भएको छ ।
आजको बजारबारे बजार जानकार अजयसिंह थापा(जयशम्भु) भन्छन्, ‘अघिल्लो दिन बजार अन्तराष्ट्रिय र केही आन्तरिक कारणले घटेको थियो । तर आज बजारले पुनरागमन गर्दै अघि बढेको छ । बजारमा नयाँ लगानीकर्ता र पैसा आएका कारण बजारमा बढोत्तरी आएको छ ।’
यसले बजार केही अंक अझै माथि नै जान सक्ने थापाले बताए ।
अर्का बजार जानकार उपेन्द्र पाठकको विचारमा हिजोको करेक्सनपछि आज बजारमा गतिलो बाउन्सब्याक भएको छ । यसका साथै बजारलाई भोल्युम र कारोबारले समेत साथ दिएको छ । ‘अहिले बजारमा तरलता फालाफाल र सेयर सस्तो भएका कारण सानो तिनो करेक्सन हुँदै बजारले गति लिएको देखिन्छ । माग र आपूर्तिले चल्ने बजारमा आज मागपक्ष बलियो बनेका कारण वुद्धि देखिएको हो ’ उनले भने ।
यो दिन नेप्सेमा सूचीकृत १३ वटै समूहमा हरियाली छायो । आज अन्य समूहमा सर्वाधिक अर्थात ७.८९ प्रतिशतको उछाल आयो । यस्तै आज बैंकिङ समूह २.३२ प्रतिशत, विकास बैंक ४.५१,वित्त ७.६३,होटल ५.१३,हाईड्रो ५.७२,लगानी ३.८९,जीवन बीमा ३.९७,उत्पादन तथा प्रशोधन ३.५३,लघुवित्त २.१७,म्युचुअल फण्ड १.०१,निर्जीवन बीमा ३.०८ र व्यापार समूह ५.५३ प्रतिशतले बढ्यो ।
धेरै कारोबार गर्ने कम्पनीहरु
यो दिन हिमालयन रि इन्स्योरेन्स कम्पनीको सर्वाधिक सेयर कारोबार भयो । यो कम्पनीको आज १ अर्ब ५३ करोड रुपैयाँको कारोबार भयो । यस्तै आज नेपाल फाइनान्सको ६५ करोड ५५ लाख, सानिमा माई हाईड्रोको ५५ करोड ७३ लाख,शिवम् सिमेन्टको ४६ करोड २१ लाख र चिलिमे हाईड्रोको ३५ करोड बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएका १७ वटा कम्पनीको सेयरमूल्यमा सकारात्मक सर्किट लाग्यो । आज बोटलर्स नेपाल(बालाजु),गुडविल फाइनान्स,समृद्धि फाइनान्स,प्रोग्रशिभ फाइनान्स,नेपाल पुनर्बीमा,मैलुङ खोला जलविद्युत,दोल्टी पावर,सिटी होटल,हिमालयन रि इन्स्योरेन्स,सेन्ट्रल फाइनान्स,कुथेली बुखरी स्मल हाईड्रो,साइन रेसुङ्गा डेभलपमेन्ट बैंक,मकर जितु माया सुरी हाईड्रो,एनआरएन इन्फ्रास्ट्रक्चर,कर्णाली डेभलपमेन्ट बैंक,चिलिमे हाईड्रो र श्री इन्भेष्टमेन्टको सेयरमूल्यमा सकारात्मक सर्किट लाग्यो ।
आज एनआईसी एशिया डिबेञ्चर २०८३/८४ को सेयरमूल्य सर्वाधिक अर्थात ३.८२ प्रतिशतले घट्यो ।
.gif)
.png)
.jpg)
.jpg)
(6).png)
(52).jpg)
(1).gif)
