.gif)
(2).gif)
.png)
_(1).gif)
.png)
काठमाण्डौ । साताको चौथो कारोबार दिन आज नेपाल स्टक एक्सचेञ्च (नेप्से) दोहोरो अंकले बढेको छ । आज नेप्से परिसूचक १.१७ प्रतिशत अर्थात ३४.२९ अंकले बढेर २ हजार ९५७.७५ विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि १.६३ प्रतिशतले बढेर ५१९.४९ विन्दुमा पुगेको छ । यो दिन नेप्सेमा सूचीकृत मध्ये ३३२ वटा स्क्रिप्टको ५ करोड १२ लाख ३० हजार ३४० कित्ता सेयर २३ अर्ब ४३ करोड ५ लाख रुपैयाँभन्दा बढीको कारोबार भएको छ ।
आजको बजारबारे बजार जानकार विरेन्द विष्ट भन्छन्, ‘ बजारले इन्ट्रा डे करेक्सन गर्दै अल टाइम हाईको बाटोमा अघि बढेको देखिन्छ । पहिले राष्ट्र बैंकको नीतिको चेपुवामा परेको बजार अहिले भने सहज नीतिकै कारण उकालो लागेको छ ।’
अन्यत्र लगानीको वातावरण नुहँदा सबै क्षेत्रबाट सेयर बजारमा लगानी आएको र विदेशमा रहेका नेपालीहरुले पनि पूँजी बजारमा लगानी भित्राएको विष्टले बताए । यसका साथै बजारमा जग्गा व्यापारी र नयाँ ब्रोकर पनि थपिएका कारण बजारले थप गति लिएको उनको ठम्याई छ ।
नेपाल पूँजीबजार लगानीकर्ता संघकी अध्यक्ष राधा पोखरेलको विचारमा पनि अहिले सबैतिर लगानीमैत्री सरकार र वातावरणले पूँजी बजारमा उत्साह आएको छ । ‘छोटो समयमा राम्रो प्रतिफल पाउने भएपछि अन्य क्षेत्रका लगानीकर्ता पनि यो क्षेत्रमा प्रवेश गरेका छन् । यतिबेला सेयर बजारको चर्चा चुलिएका कारण आम सर्वसाधारणको पनि बजारप्रति अभिरुचि बढेको छ,’ उनले भनिन् ।
यो दिन नेप्सेमा सूचीकृत १३ वटा समूहमध्ये ३ वटा बाहेक अन्य सबैमा हरियाली छायो । आज वित्त समूहमा सर्वाधिक उछाल आयो । यो समूह आज ७.६७ प्रतिशतले बढेर ३ हजार ९६९.९० विन्दुमा पुग्यो ।
यस्तै आज विकास बैंक समूह बैंकिङ समूह ०.७२ प्रतिशत, विकास बैंक ३.०७,वित्त ७.६७, होटल २.३७,हाईड्रो १.९१,लगानी २.४९,उत्पादन तथा प्रशोधन ०.६४,निर्जीवन बीमा ०.७४,अन्य ०.८३ र व्यापार समूह ०.३९ प्रतिशतले बढ्यो ।
आज जीवन बीमा समूह ०.०८ प्रतिशत,लघुवित्त ०.७० र म्युचुअल फण्ड ०.९० प्रतिशतले घट्यो ।
धेरै कारोबार गर्ने कम्पनीहरु
यो दिन नेपाल हिमालयन रि इन्स्योरेन्स कम्पनीको सर्वाधिक सेयर कारोबार भयो । यो कम्पनीको आज ८६ करोड ५८ लाख बढीको सेयर कारोबार भयो । यस्तै शिवम् सिमेन्टको ८४ करोड २९ लाख,अपि पावरको ७५ करोड ५९ लाख,नेपाल फाइनान्सको ६१ करोड ६४ लाख र सानिमा माई हाईड्रोको ५८ करोड ३२ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएका १३ वटा कम्पनीको सेयरमूल्यमा सकारात्मक सर्किट लाग्यो । आज सेन्ट्रल फाइनान्स,समृद्धि फाइनान्स,प्राग्रेसिभ फाइनान्स,मातृभूमि लघुवित्त,एचआईडीसीएल,माउन्टेन हाईड्रो, हिमालयन हाईड्रो,इङ्वा हाईड्रो,अपर स्याङ्गे,गुडविल फाइनान्स, अपि पावर,मन्जुश्री फाइनान्स र थ्रिस्टार हाईड्रोपावरको सेयरमूल्यमा अपर सर्किट लाग्यो ।
यो दिन मन्दाकिनी हाईड्रोको सेयरमूल्यमा लोअर सर्किट लाग्यो । यस्तै विन्द्यावासिनी हाईड्रोको सेयरमूल्य ८.४१ प्रतिशत र मिड सोलु हाईड्रोको सेयरमूल्य ८.०७ प्रतिशतले घट्यो ।
.gif)
.png)
.jpg)
.jpg)
(6).png)
(52).jpg)
(1).gif)
