.gif)
_(1).gif)
(47).jpg)
.png)
काठमाण्डौ । साताको चौथो कारोबार दिन आज पनि नेपाल स्टक एक्सचेञ्च (नेप्से) मा झिनो अंकको वृद्धि भएको छ । आज नेप्से परिसूचक ०.०७ प्रतिशत अर्थात २.११ अंकले बढेर २ हजार ९६८.४४ विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.२३ प्रतिशतले बढेर ५३०.११ विन्दुमा पुगेको छ । यो दिन नेप्सेमा सूचीकृत मध्ये ३३७ वटा स्क्रिप्टको ४ करोड १४ लाख ५४ हजार ६११ कित्ता सेयर १८ अर्ब ९० करोड ६३ लाख रुपैयाँभन्दा बढीको कारोबार भएको छ ।
आजको बजारबारे बजार जानकार अजयसिंह थापा(जयशम्भु) भन्छन्, ‘पछिल्लो समयको बजारको गिरावट भनेको साइडवेज करेक्सन हो । २ हजार विन्दुतिर सेयर खरिद गरेका लगानीकर्ताले ३ हजारको मनोवैज्ञानिक विन्दुमा नाफा बुक गरेको देखिन्छ । प्राविधिक रुपमा पनि यो तेस्रो वेभ भित्रको सानो करेक्सन हो । बजारले इन्ट्रा डे करेक्सन हुँदै एक–दुई दिनमै सम्हालिन सक्छ ।’
आजको भोल्युम नाफा बुक गरेको भोल्युम भएकाले कम भएको र बजार ३०५० कटेपछि भने पुनः उच्च कारोबार हुन थाल्ने थापाले दाबी गरे ।
अर्थशास्त्री सूर्यनारायण पौडेलले अहिले लगानीकर्ता दोधारमा रहेकाले र केहीले नाफा बुक गर्दा बजारमा दबाब आएको बताए । ‘करिब १९ अर्बको कारोबारलाई नराम्रो भन्न सकिदैन । अहिलेको बजारमा बेच्नेहरुले नै गुमाउनु परेको र बढेर खानु परेको अवस्था छ । त्यसैले यो बजारमा धैर्य गर्नेले कमाउने र हरेक करेक्सन किन्ने अवसर रहेको छ । ’
नीतिगत सहजता र ब्याजदर न्यून अवस्थामा भएका कारण डराउनु पर्ने अवस्था नरहेको पौडेल बताउँछन् ।
(1).gif)
यो दिन नेप्सेमा सूचीकृत १३ वटा समूहमध्ये ५ वटा समूहमा मात्रै हरियाली छायो भने अन्य ८ वटा समूहमा रातो पोतियो । आज फाइनान्स समूहमा सर्वाधिक उछाल आयो । यो समूह आज ४.९९ प्रतिशतले बढेर ३९२६.८८ विन्दुमा पुग्यो ।
यस्तै आज बैंकिङ समूह ०.५९ प्रतिशत, विकास बैंक ०.७२,लगानी ०.१२ र अन्य समूह ०.१८ प्रतिशतले बढ्यो ।
आज व्यापार समूहमा सर्वाधिक गिरावट आयो । यो समूह आज २.०९ प्रतिशतले घट्यो । यस्तै होटल समूह १.०३ प्रतिशत,हाईड्रो समूह ०.७५,जीवन बीमा ०.१९,उत्पादन तथा प्रशोधन ०.४१,लघुवित्त ०.५४,म्युचुअल फण्ड ०.६४ र निर्जीवन बीमा समूह ०.६८ प्रतिशतले घट्यो ।
धेरै कारोबार गर्ने कम्पनीहरु
यो दिन हिमालयन रि इन्स्योरेन्सको सर्वाधिक सेयर कारोबार भयो । आज यो कम्पनीको ६५ करोड ९५ लाख बढीको सेयर कारोबार भयो । अपि पावरको आज ४५ करोड ७२ लाख,एभरेष्ट बैंकको ४५ करोड ९ लाख,सानिमा माई हाईड्रोको ३६ करोड ८० लाख र सिईडिबि हाईड्रोको ३६ करोड ५२ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएका ८ वटा कम्पनीको सेयरमूल्यमा सकारात्मक सर्किट लाग्यो । आज कर्पोरेट डेभलपमेन्ट बैंक,सिन्धु विकास बैंक, रिलायन्स फाइनान्स,दोल्ती पावर,मल्टीपर्पस फाइनान्स,सिईडिबि हाईड्रोपावर,सगरमाथा जलविद्युत र ग्रिन डेभलपमेन्ट बैंकको सेयरमूल्यमा अपर सर्किट लाग्यो ।
यो दिन कर्णली डेमलपमेन्ट बैंकको सेयरमूल्यमा लोअर सर्किट लाग्यो । यस्तै मातृभूमि लघुवित्तको सेयरमूल्य ५.९८ प्रतिशत,सम्पदा लघुवित्तको ५.४८, सिटी होटलको ४.१५ र बलेफि हाईड्रोको सेयरमूल्य ४.०५ प्रतिशतले घट्यो ।
.gif)
.png)
.jpg)
.jpg)
.jpg)
(91).jpg)
(4).png)
.gif)
(1).gif)
.gif)
