.gif)
.gif)
.png)
काठमाण्डौ। उपप्रधान एवम् अर्थमन्त्री विष्णु पौडेलले जिम्मेवारी सम्हालेको छोटो समयमै सरकारले आमनागरिकको मन जितेको बताएका छन्। काठमाण्डौमा बुधबार आयोजित ‘स्टार्टअप नेसन २०३०’ कार्यक्रममा बोल्दै अर्थमन्त्री पौडेलले सरकारले चाल्ने सम्भावित कदमप्रति आमनागरिकमा विश्वास जागृत हुँदै गएको बताएका हुन्।
उनले आमनागरिकले बर्तमान सरकारप्रति विश्वास लिएको र सरकारले लिएका निर्णयप्रति सहमत भएका जनाएको बताए। सरकार ‘स्टार्टअप’ व्यापार अघि बढाउन सबै प्रकारको सहयोग गर्न तत्पर रहेको उनले बताए।
उनले सबै सिर्जनशील युवालाई स्टार्टअप व्यापारका माध्यमबाट राष्ट्रिय अर्थतन्त्रमा योगदान दिन आग्रह गरे। यस्तै, युवालाई देशभित्र भविष्य खोज्न, राष्ट्र निर्माणको संवाहक बनेर देशभित्रै योगदान गर्न पनि आग्रह गरे।
अर्थमन्त्री पौडेलले विनियोजित बजेटलाई अधिकतम मात्रामा सही सदुपयोग गर्नका निम्ति अग्रसर हुन आग्रह गरे। अर्थतन्त्रमा भएका विद्यमान समस्या विस्तार कम हुदैँ गएको र यिनीहरुको समाधान गर्दै, उत्पादन वृद्धि, रोजगारी सिर्जना र समग्र माग विस्तार, व्यापार घाटाको अन्त्य लगायत गतिविधिबाट अर्थतन्त्र सबल बनाउने उनको भनाइ छ ।
पौडेलले अर्थतन्त्रका केही सूचक सकारात्मक बन्दै गएको पनि बताए। स्टार्टअप व्यापारमा सुरुमा सफलताभन्दा असफलता बढी हुने उनले सुनाए।
.png)
.jpg)
.jpg)
.jpg)
.gif)
