.gif)
_(1).gif)
(52).jpg)
.png)
काठमाण्डौ । साताको अन्तिम कारोबार दिन आज पनि नेपाल स्टक एक्सचेञ्च(नेप्से) मा दोहोरो अंकको गिरावट आएको छ । आज नेप्से परिसूचक १.३२ प्रतिशत अर्थात ३६.८३ अंकले घटेर २ हजार ७४९.५७ विन्दुमा सीमित बनेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि १.६७ प्रतिशतले घटेर ४८९.७९ विन्दुमा झरेको छ । यो दिन नेप्सेमा सूचीकृत मध्ये ३२२ वटा स्क्रिप्टको २ करोड ८३ लाख ६ हजार ३४२ कित्ता सेयर १२ अर्ब २२ करोड २८ लाख रुपैयाँभन्दा बढीको कारोबार भएको छ ।
आजको बजारबारे बजार जानकार उपेन्द्र पाठक भन्छन्, बजार सधैंभरी बढेको बढ्यै नगर्ने र सधैं घटेको घट्यै नगर्ने भएकाले विगत केही समयदेखिको बजारको गिरावटबाट आत्तिनु पर्ने अवस्था छैन । अहिले नीतिगत सहजता कायमै रहेको छ र बैंकहरुको ब्याजदर पनि कमै छ । बजारले किन्न छुटेका लाई पनि लिएर फेरि गति लिन्छ ।’
हिजो आजको कारोबारमा भोल्युम ड्राई भएकाले करेक्सन फेज सकिन लागेको अनुमान लगाउन सकिने उनले बताए । आउने सातामा भने बजार सम्हालिदै माथितर्फ लाग्ने पाठकले विश्वास व्यक्त गरे । उनले भने,‘परिसूचकमा आईरहेको गिरावटले बजारको जग थप मजबुत बन्दै गएको छ । ’
अर्का बजार जानकार नीमानन्द कँडेल पनि करिब १ हजार अंकले बढेको बजारमा आएको करेक्सन स्वभाविक भएको बताउँछन् । ‘उधारो सेटलमेन्ट गर्नेहरुले बिक्री दबाब दिदा अहिले पनि बजार करेक्सन फेज मै छ । केही समय साइडवेज चलेर २७ सय कै आसपासबाट बजारले पुनः गति लिनेछ,’ उनले भने ।
.gif)
यो दिन नेप्सेमा सूचीकृत १३ वटा समूहमध्ये म्युचुअल फण्ड बाहेक अन्य सबैमा समूहमा रातो पोतियो । आज म्युचुअल फण्ड ०.१० प्रतिशतले बढ्यो ।
यस्तै आज जीवन बीमा समूहमा सबैभन्दा धेरै गिरावट आयो । यो समूह आज २.०९ प्रतिशतले घट्यो । बैंकिङ सम्रूह आज १.८१ र विकास बैंक १.१२, वित्त ०.९४,होटल १.८१,हाईड्रो ०.१३,लगानी ०.९९,उत्पादन तथा प्रशोधन ०.९६,लघुवित्त २.०१,निर्जीवन बीमा १.८८,अन्य ०.५२ र व्यापार समूह ०.६९ प्रतिशतले घट्यो ।
धेरै कारोबार गर्ने कम्पनीहरु
यो दिन गूडविल फाइनान्सको सर्वाधिक सेयर कारोबार भयो । यो कम्पनीको आज ३७ करोड ४० लाख बढीको सेयर कारोबार भयो । यस्तै अपि पावर कम्पनीको ३६ करोड ५२ लाख,हिमालयन रि इन्स्योरेन्सको ३५ करोड ५५ लाख,राधि विद्युतको ३१ करोड ४५ लाख र नेपाल फाइनान्सको ३० करोड ४४ लाख रुपैयाँ बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएका २ वटा कम्पनीको सेयरमूल्यमा सकारात्मक सर्किट लाग्यो । आज रसुवागढी हाईड्रो र कुथेली बुखरी स्मल हाईड्रोको सेयरमूल्यमा अपर सर्किट लाग्यो ।
यस्तै मिड सोलु हाईड्रोको ८.४८ प्रतिशत,मितेरी डेभलपमेन्ट बैंकको ७.९९ प्रतिशत,पिपुल्स पावरको सेयरमूल्य ७.६२ प्रतिशत,रसुवागढी हाईड्रोपावरको ५.४८ र राधि विद्युत कम्पनीको सेयरमूल्य ४.८७ प्रतिशतले बढ्यो ।
यो दिन थ्रिस्टार हाईड्रोको सेयरमूल्यमा लोअर सर्किट लाग्यो । विन नेपाल लघुवित्तको सेयरमूल्य आज ५.८४ प्रतिशत,एनआराएन इन्फ्रास्ट्रक्चरको ५.०८ र तारागाँउ रिजेन्सीको सेयरमूल्य ४.९९ प्रतिशतले घट्यो ।
.png)
.jpg)
.gif)
.gif)
.gif)
