मुक्तिनाथ फाउन्डेसनको तेस्रो वाषिकोत्सव सम्पन्न, रक्तदान तथा निःशुल्क दन्त परीक्षण कार्यक्रम आयोजना

काठमाण्डौ । मुक्तिनाथ फाउण्डेशनले आफ्नो तेस्रो वार्षिकोत्सव अवसरमा बृहत रक्तदान रक्तदान कार्यक्रम सम्पन्न गरेको छ । २०७८ असोज १ गते दर्ता भएको यो संस्थाले तेस्रो वार्षिकोत्सव मनाएको हो ।  

सामाजिक क्षेत्रमा विभिन्न किसिमका सामाजिक कार्यहरु गर्दै आएको यस संस्थाको तेस्रो वार्षिकोत्सवको अवसरमा वृहत रक्तदान कार्यक्रम तथा निःशुल्क दन्त परीक्षण कार्यक्रम सम्पन्न भएको छ । तेस्रो वार्षिकोत्सवमा आयोजित रक्तदान कार्यक्रमम ५५ पोका रगत संकलन भएको छ भने ४८ जनाले निःशुल्क दन्त परीक्षण सेवा लिएका छन् । 

रक्तदान कायक्रमलाई केन्द्रीय रक्तसंचार केन्द्रबाट प्राविधिक सहयोग प्राप्त भएको थियो भने दन्त परीक्षण सेवाको लागि कान्तिपुर डेन्टल अस्पतालको प्राविधिक सहयोग प्राप्त भएको थियो ।

सोही अवसरमा संस्थाका अध्यक्ष भरतराज ढकालले १० हजार, सञ्चालक सिताराम काफ्लेले १० हजार तथा सञ्चालक राम प्रसाद पोख्रेलले १५ हजार संस्थालाई आ–आफ्नो जन्मोत्सवको उपलक्ष्यमा आर्थिक सहयोग गरेका थिए ।