भारतको सेयर बजारले फेरि चुम्यो नयाँ उचाई, नेपालको भने सधैं दुर्दशा

काठमाण्डौ । भारतको सेयर बजारले फेरि नयाँ उचाई चुमेको छ ।  

सोमबार लगातार तेस्रो दिन भारतको सेयर बजारले नयाँ सर्वकालीन उचाईको रेकर्ड बनाएको हो ।  

आजको कारोबारका क्रममा सेन्सेक्सले ८४,९८० को उचाई चुमेको छ भने निफ्टी पनि २५ हजार ९५६ को सर्वाधिक उचाईमा पुगेको छ । 

यसपछि सेन्सेक्स ३८४ अंकले बढेर ८४,९२८ मा बन्द भयो। निफ्टी पनि १४८ अंकले बढेर २५,९३९ मा बन्द भयो। आज अटो, एफएमसीजी र बैंकिङ सेयरको मूल्य बढेको छ ।

एशियाली बजारमा आज मिश्रित कारोबार भएको छ । एसियाली बजार आज उकालो लागेको छ । चीनको सांघाई कम्पोजिट इन्डेक्स ०.४४ प्रतिशत र कोरियाको कोस्पी ०.३३ प्रतिशतले बढेको छ । हङकङको Hangseng सूचकांक ०.०६ प्रतिशतले घटेको छ । 

यसअघि शुक्रबार सेप्टेम्बर २० मा पनि सेन्सेक्सले ८४,६९४ र निफ्टी २५,८४९ को नयाँ सर्वकालीन उचाई बनाएको थियो। दिनको कारोबारपछि सेन्सेक्स १३५९ अंकले बढेर ८४ हजार ५४४ मा बन्द भयो । योसँगै निफ्टीमा ३७५ अंकको वृद्धि भई २५ हजार ७९० मा बन्द भएको थियो ।  

छिमेकमा रहेको भारतमा सेयर बजारले लगातार नयाँ उचाईको रेकर्डहरु बनाइरहँदा नेपालको सेयर बजार भने साइडवेजमा चलिरहेको छ । ३२०० को अलटाइम हाईलाई ब्रेक गर्ने दिशामा रहेको बजार ३००० बाट घट्न थालेर हाल २५०० आसपास आइपुगेको छ ।