.gif)
.gif)
.jpg)
काठमाण्डौ । यसपाली पनि सेयर लगानीकर्ताहरुको दशैं खल्लो हुने करिब निश्चित भएको छ । विगत ३ वर्षदेखि वियरिस यात्रामा चलको सेयर बजार नयाँ सत्ता समिकरणसँगै विष्णु पौडेल अर्थमन्त्री भएपछि एक हजार अंकले बढेको थियो । तर त्यो बढोत्तरी धेरै लामो समय भने टिक्न सकेन ।
गत भदौ २ गतेबाट ३ हजार विन्दुबाट ओरालो लाग्न थालेको नेप्सेको ओरालो यात्रा जारी नै छ । यसरी बजार एकाएक घट्दा पछिल्लो समय सेयर बजारप्रति लगानीकर्ताको चमक पनि हराएको छ । बजार बढ्दा खचाखच हुने ब्रोकर हाउस अहिले फेरि खाली हुन थालेका छन् । लगानीकर्ताले ब्रोकर हाउसहरुसँगको दुरी बढाएका छन् ।
(1).gif)
बजार बढे पछि धेरै लगानीकर्ताहरुले सेयर बजारबाट नै दशैं खर्च निकाल्ने तथा घुमघाम गर्न जाने योजना पनि बुन्न थालेका थिए । तर बजारमा दैनिक घाटामा सेयर बेच्नुपरे पछि भने लगानीकर्ताहरुको योजना विफल बन्दै गईरहेको छ ।
एक ब्रोकरले भने, ‘अहिले धेरै लगानीकर्ताहरु ट्रेडर छन् । अधिकांश ट्रेडरहरुले खातामा सेयर आउने बित्तिकै अझै सस्तोमा सेयर किन्न पाइने भन्दै सेयर बेचेको देखिन्छ । यस हिसाबले हेर्दा धेरै लगानीकर्ताहरुले घाटामा नै सेयर बेचेको देखिन्छ ।’
गत वर्षका दशैं पनि लगानीकर्ताहरुको लागि सुखद थिएनन् । सेयर बजार ३२ सयको विन्दुबाट दैनिक घटे पछि धेरै लगानीकर्ताहरुले सवारी साधनमा पेट्रोल हाल्न समेत हम्मे–हम्मे परेको गुनासो गरेका थिए । केही लगानीकर्ताहरु त दशैंमा घर समेत फर्कन नसकेको भन्दै पीडा पोखेका थिए । अहिलेको बजारले पनि धेरै जसोलाई बितेका वर्षहरुमा जस्तै निराशा दिने लगानीकर्ताहरुले बताएका छन् ।
लगानीकर्ताहरु दैनिक बजार फर्कने आशामा सेयर एभरेजिङग गरेको देखिन्छ तर बजार भने निर्मम तरिकाले करिब ६ सय अंकले घटिसकेको छ । एक ब्रोकर भन्छन् ‘बजार यसरी घट्नुको मुख्य कारण भनेको उधारो कारोबार हो । बढ्दो बजारमा लगानीकर्ताले सेक्टर परिवर्तन गरेका हुन्छन् । तर घट्दो बजारमा भने नयाँ लगानीकर्ता र पैसा बजारमा आउँदैन । जसको कारण बजारमा बिक्री दबाब पर्न जान्छ ।’ यस्तै उनले यसपालि दशैं र असोज मसान्तको दबाब एकैपटक परेको समेत बताए । ‘दशैं पछि सेयर बेचेर असोज मसान्तको ब्याज तिर्न सम्भव छैन । त्यही कारण लगानीकर्ता घाटामा नै सेयर बेच्न बाध्य भएका छन्,’ उनले भने । अहिले घटिरहेको बजारमा नयाँ लगानीकर्ता अब तत्काल नआउने पनि ब्रोकरहरु बताउँछन् । ‘खेलाडिहरुले पैसा लिएर निस्किसके, साना लगानीकर्ताले मात्रै बजार धान्न सक्दैनन्,’ एक ब्रोकरले भने ।
ब्रोकर हाउसमा भेटिएका अधिकांश लगानीकर्ता यसपाली पनि विगतमा जस्तै केही खेलाडिकै स्क्रिप्टमा फसेको देखिन्छ । क्लबहाउमा पनि खेलाडिकै सेयरमा आफूहरु फसेको लगानीकर्ताहरुले गुनासो गरेका छन् । केही लगानीकर्ताहरुले भने अहिले घटेको बजारलाई दशैंको रातो टीका भन्दै अबसरको रुपमा लिनु पर्ने समेत बताएका छन् ।
(54).jpg)
(1).gif)
.gif)
