राष्ट्र बैंकद्वारा उपभोक्ता मूल्य सूचकांक गणनाको आधार वर्ष परिवर्तन

काठमाण्डौ । नेपाल राष्ट्र बैंकले उपभोक्ता मूल्य सूचकांक गणना विधिको आधार वर्ष परिवर्तन गरेको छ । यससँगै अब राष्ट्र बै्रंकले आर्थिक वर्ष २०८०/८१ लाई आधार वर्ष मानेर मूल्य सूचकांक गणना गर्नेछ ।

यसअघि भने केन्द्रीय बैंकले आर्थिक वर्ष २०७०/७१ लाई आधार मानेर उपभोक्ता मूल्य सूचकांक सार्वजनिक गर्दै आएको थियो ।

आधारवर्ष परिमाजनसँगै उपभोग प्रवृतिका आधारमा गुड वास्केटमा रहेका वस्तुहरु पनि हेरफेरका साथै वस्तुको समूह समेत परिवर्तन गरिएको छ ।

गुड बास्केटमा १ सय ३५ वटा नयाँ वस्तु थपिएका छन् भने वस्तु १ सय ६ वस्तु हटाइएको छ । गुड बास्केटमा रहेका कुल वस्तुको संख्या ५ सय २५ पुगेको छ । यसअघि भने यसमा ४ सय ९६ वटा वस्तु समावेश थिए ।