२० वटा बीमा कम्पनीको सेयरभाउ बढ्यो, सानिमा जिआइसीका लगानीकर्ताले सर्वाधिक गुमाए

काठमाण्डौ । साताको दोस्रो कारोबार दिन सेयरबजारमा दोहोरो अंकको बढोत्तरी भएको छ । नेप्से परिसूचक ३७.१३ अंकले बढेर २६९०.७२ विन्दुमा पुगेको छ । नेप्सेमा सूचीकृत ३०५ कम्पनीको १ करोड ५८ लाख ४५ हजार ४४९ कित्ता सेयर किनबेच हुँदा ७ अर्ब ९ करोड रुपैयाँमाथिको कारोबार भएको छ । नेप्सेमा रहेका १३ उपसूचकमध्ये आज ११ वटा समूहमा हरियाली छाएको छ भने दुई उपसूचक घटेको छ । 

बीमा समूहका दुइवटै उपसूचक बृद्धि भएको छ । जीवन बीमा समूह १.११ प्रतिशत र निर्जीवन बीमा समूह ०.८८ प्रतिशतले बढेको छ । आज २० वटा बीमा कम्पनीको सेयरभाउ बढेको छ । सर्वाधिक कमाउने वा सेयरमूल्य बढ्ने बीमा कम्पनीमा हिमालयन रि इन्स्योरेन्स रहेको छ । कम्पनीको सेयरमूल्य ४.६६ प्रतिशतले बृद्धि भई ८७० रुपैयाँ पुगेको छ । 

त्यस्तै, सन नेपाल लाइफको ३.१७ प्रतिशत, आरबीसीएलको २.१९ प्रतिशत, सगरमाथा लुम्बिनी इन्स्योरेन्सको २.१२ प्रतिशत, आइएमई लाइफको २.०२ प्रतिशत, सिटिजन लाइफको १.८८ प्रतिशत, नेपाल लाइफको १.७७ प्रतिशत, सिद्धार्थ प्रिमियरको १.७३ प्रतिशत, नेपाल इन्स्योरेन्सको १.४९ प्रतिशत, शिखर इन्स्योरेन्सको १.३० प्रतिशत, हिमालयन लाइफको १.२४ प्रतिशत र नेपाल रि इन्स्योरेन्सको १.२३ प्रतिशतले सेयरभाउ बढेको छ। 

यसका साथै सानिमा रिलायन्स लाइफको १.११ प्रतिशत, नेशनल लाइफको ०.८१ प्रतिशत, आइजीआई प्रुडेन्सियलको ०.८१ प्रतिशत, रिलायबल नेपाल लाइफको ०.७९ प्रतिशत, नेको इन्स्योरेन्सको ०.६४ प्रतिशत, सुर्यज्योति लाइफको ०.६३ प्रतिशत, प्रभु महालक्ष्मी लाइफको ०.४२ प्रतिशत र हिमालयन एभरेष्टको ०.१३ प्रतिशतले सेयरभाउ बढेको छ । 

आज सर्वाधिक गुमाउने वा सेयरमूल्य घट्ने कम्पनीमा भने सानिमा जिआइसी इन्स्योरेन्स रहेको छ । कम्पनीको सेयरभाउ १.२१ प्रतिशतले घटेर ६६१.९० रुपैयाँ कायम भएको छ । 

त्यस्तै, युनाइटेड अजोडको ०.९१ प्रतिशत, एनएलजी इन्स्योरेन्सको ०.८४ प्रतिशत, प्रभु इन्स्योरेन्सको ०.४७ प्रतिशत, एलआइसी नेपालको ०.०५ प्रतिशत र एलआइसी नेपालको ०.०३ प्रतिशतले सेयरभाउ घटेको छ ।