रेकर्ड बनाएको सुनको भाउ लगातार घट्दै, मंगलबार कति कायम भयो ?

काठमाण्डौ । पहेँलो धातु सुनको भाउ मंगलबार सामान्य घटेको छ ।  

अघिल्लो दिन प्रतितोला १ लाख ६० हजार ५०० रुपैयाँ रहेको सुनको भाउ घटेर मंगलबार प्रतितोला १ लाख ६० हजार १०० मा सीमित भएको हो । 

असोज १८ गते सुनको भाउ प्रतितोला १ लाख ६१ हजार ३०० को सर्वाधिक उचाईमा पुगेको थियो । त्यसपछि भने क्रमशः घटिरहेको छ । 

सुनसँगै चाँदीको मूल्यमा समेत सामान्य गिरावट आएको छ । जसअनुसार सोमबार प्रतितोला १ हजार ९८० रुपैयाँमा कारोबार भइरहेको चाँदीको मूल्य घटेर मंगलबार प्रतितोला १ हजार ९४० रुपैयाँमा सीमित बन्न पुगेको हो ।