भिजि अटोमोबाईल्स र एमएडब्लू हायर पर्चेजबीच सम्झौता

काठमाण्डो । नेपालका लागि सुजुकी दुई पाङ्गे (मोटरसाइकल तथा स्कुटर) को आधिकारिक वितरक भिजि अटोमोबाईल्स प्रालिले एमएडब्लू हायर पर्चेज प्रालिसँग ग्राहकहरूलाई सरल र सुलभ किस्ताबन्दिमा फाइनान्स सेवाहरू प्रदान गर्न साझेदारी गरेको छ ।

एमएडब्लू हायर पर्चेजले आगामी दिनमा नेपालभरका सबै भि.जि सुजुकी दुई पाङ्ग्रे डिलर तथा आफ्ना आउटलेटहरू मार्फत सजिलो र झन्झटमुक्त फाइनान्स सेवाहरू प्रदान गर्ने भएको छ । साथै, यो साझेदारीले ग्राहकहरूलाई सुजुकी मोटरसाइकल तथा स्कुटर खरिद गर्न सरल, सुलभ र किफायती तरिकाले फाइनान्स प्रदान गर्ने लक्ष्य लिएकोकुरा कम्पनीले जनाएको छ ।  

यो सम्झौताको माध्यमबाट ग्राहकहरूले छिटो र छरितो सेवाको साथ २४ महिनासम्म को किस्ताबन्दिमा सुविधाजनक विकल्पहरू मार्फत भुक्तानीको साथमा सहज र सर्वसुलभ रुपमा फाइनान्सिङ सुविधाहरूको लाभ प्राप्त गर्न सक्ने कम्पनीले जनाएको छ ।  

‘यो सम्झौताले नयाँ सुजुकी मोटरसाइकल तथा स्कुटर खरिद गर्न ग्राहकहरुलाई बिना झन्झट, एकै ठाँउबाट सरल र सुलभ फाइनान्स सुविधा प्रदान गर्ने भिजि अटोमोबाईल्स प्रालिका महाप्रबन्धक धिरज भट्टराईले बताए ।