सिंगटी हाईड्रोपावरको खुद नाफा ११३.०५% ले वृद्धि, ईपीएस कति ?

काठमाण्डौ । सिंगटी हाईड्रोपावर लिमिटेडको खुद नाफा ११३.०५ प्रतिशतले बढेको छ । कम्पनीले चालु आवको पहिलो त्रैमाससम्म ११ करोड २५ लाख रुपैयाँ खुद नाफा आर्जन गरेको छ ।अघिल्लो आवको सोही अवधिसम्म कम्पनीको खुद नाफा ५ करोड २८ लाख रुपैयाँमा सीमित थियो ।  

कम्पनीको विद्युत बिक्री आम्दानी ०.२७ प्रतिशतले घटेको छ । कम्पनीले समीक्षा अवधिसम्म विद्युत बिक्रीमार्फत २६ करोड ३५ लाख कमाएको छ । अघिल्लो आवको पहिलो त्रैमाससम्म भने कम्पनीले विद्युत बिक्रीमार्फत २६ करोड ४३ लाख रुपैयाँ कमाएको थियो । यस्तै कम्पनीले २२ लाख रुपैयाँबराबरको अन्य आम्दानी गरेको छ ।  

कम्पनीको प्रशासनिक र अन्य साधारण खर्च २ करोड ११ लाख र ब्याज खर्च ७ करोड ९९ लाख रुपैयाँ रहेको छ ।  

चुक्तापूँजी २ अर्ब ९० करोड रुपैयाँ रहेको कम्पनीले सेयर प्रिमियम शीर्षकमा २५ करोड ११ लाख रुपैयाँ सञ्चित गरेको छ । कम्पनीको सञ्चित मुनाफा १८ करोड ७० लाख रुपैयाँल। ऋणात्मक अवस्थामा छ । यो अवधिसम्म कम्पनीको दीर्घकालिन कर्जा ३ अर्ब ५६ करोड रुपैयाँ रहेको छ ।  

समीक्षा अवधिसम्म कम्पनीको प्रतिसेयर आम्दानी ३.८८ रुपैयाँ, प्रतिसेयर नेटवर्थ १०२.२१ रुपैयाँ,मूल्य आम्दानी अनुपात ६६.२१ गुणा र तरलता अनुपात ४०.५८ प्रतिशत कायम भएको छ ।