.gif)
_(1).gif)
.png)
काठमाण्डौ । स्पेक एक्स कम्पनीका संस्थापक तथा विश्वको दोस्रो धनाढ्य एलन मस्कको कमाईबारे एउटा रोचक तथ्य सार्वजनिक भएको छ ।
फिनबोल्डले एलन मस्कले प्रति सेकेण्ड देखि एक सातासम्म कति कमाउँछन् भन्ने एउटा रोचक रिपोर्ट सार्वजनिक गरेको छ । फिनबोल्डका अनुसार एलन मस्कले प्रतिसेकेण्ड ११४.८० डलर(१ लाख ५२ हजार नेपाली रुपैयाँ),प्रतिमिनेट ६८८७ डलर(९ लाख १३ हजार नेपाली रुपैयाँ) र प्रतिघण्टा ४ लाख १३ हजार २२० डलर(५ करोड ४७ लाख नेपाली रुपैयाँ) कमाउँछन् ।
(1).gif)
यस्तै एक दिनमा मस्कले ९९ लाख १७ हजार २८० डलर(१ अर्ब ३१ करोड नेपाली रुपैयाँ) कमाउने रिपोर्टमा जनाइएको छ । मस्कको प्रतिसाता कमाई भने ६ करोड ९४ लाख २० हजार ९६० डलर (९ अर्ब २० करोड नेपाली रुपैयाँ) रहेको छ ।
यो आँकडा मस्कले सन् २०२३ मा आर्जन गरेको ३.६२०३ बिलियन डलरलाई आधार मानेर गरिएको हो ।
एलन मस्कले अहिले १९८.९ बिलियन डलर कुल सम्पत्तिका साथविश्वको धनाढ्यको सूचीमा दोस्रो स्थानमा छन् । मस्कभन्दा अघि एलभीएमएचका संस्थापक बनार्ड अर्नाल्ट छन् ।
पछिल्लो समय मस्को सम्पत्तिमा तीव्र गिरावट आईरहेको छ । मस्को सम्पत्ति २२९ बिलियन डलरबाट घट्दै १९८.९ बिलियन डलरमा आईपुगेको छ । यो गिरावटका बाबजुत पनि उनी विश्वको दोस्रो धनाढ्य बन्न सफल भएका छन् ।
मस्कको टेस्लामा २०.५ प्रतिशत,स्टारलिंकमा ५४ प्रतिशत,एक्समा ७४ प्रतिशत,द बोरिङ कम्पनीमा ९० प्रतिशतभन्दा माथि एक्सएआईमा २५ प्रतिशत र न्यूरालिंकमा ५० प्रतिशतभन्दा बढी स्वामित्व रहेको छ ।
.gif)
.png)
.jpg)
.jpg)
.jpg)
.gif)
(1).gif)
.gif)
