पुटिन चाडै मर्दैछन्, त्यसपछि रुस र युक्रेनबीचको युद्ध अन्त्य हुनेछः जेलेन्स्किी

काठमाण्डौ । युक्रेनका राष्ट्रपति भोलोदिमिर जेलेन्स्किीले रुसका राष्ट्रपति भ्लादिमिर पुटिनको मृत्यु चाडैनै हुने र यसका कारण दुवै देशबीचको युद्ध अन्त्य हुने दाबी गरेका छन् ।  

फ्रान्सको राजधानी पेरिसमा अन्तर्वार्ता दिने क्रममा जलेन्स्किीले यस्तो टिप्पणी गरेका हुन् । रुसी राष्ट्रपति पुटिनको स्वास्थ्य अवस्थाका बारेमा भईरहेको अड्कलबाजीका बीच जलेक्स्किीको यस्तो भनाई आएको हो । बुधबार फ्रान्सेली राष्ट्रपति इमानुयल म्याक्रोनसँगको बैठकपछि जलेन्स्किीले मिडियाकर्मीहरुसँग कुरा गर्दै भने, ‘उहाँ(पुटिन) चाडैनै मर्दै हुनुहुन्छ । त्यपछि युद्धको पनि अन्त्य हुनेछ ।’

पछिल्ला केही महिनादेखि रुसी राष्ट्रपतिको स्वास्थ्य अवस्थाका बारेमा कयौं अड्कलबाजी र अफवाहहरु सार्वजनिक भईरहेका छन् । उनले निरन्तर खोकीरहेको र हात तथा खुट्टामा झट्का आईरहेको भिडियो सार्वजनिक भईरहेका छन् ।