एक किलो सुनसहित भारतीय नागरिक पक्राउ

काठमाण्डौ । नेपाल प्रहरीले त्रिभुवन अन्तर्राष्ट्रिय विमानस्थलबाट एक किलोभन्दा बढी सुनसहित एक भारतीय नागरिक पक्राउ गरेको छ । प्रहरीले ५३ वर्षीया भारतीय नागरिक मीना सुर्जित सिंह खेमानीलाई मंगलबार राति पक्राउ गरेको हो ।

उनको साथबाट प्रहरीले १ किलो १५९ ग्राम सुन बरामद गरेको छ । उनी शारजाहबाट एयर अरेबियाको उडानमार्फत काठमाण्डौ आएको प्रहरीले जनाएको छ । प्रहरीले खेमानीबाट अर्धठोस अवस्थामा सुन बरामद गरेको हो ।