(1).gif)
(4).gif)
.png)
काठमाण्डौ । १६७ वर्ष लामो बैंकिङ इतिहास बोकेको अष्ट्रेलियाको बेन्डिगो बैंकले आफ्ना २८ वटा शाखा बन्द गर्ने घोषणा गरेको छ । बैंकले साउथ वेल्स, भिक्टोरिया, क्वीइन्सल्यणड, दक्षिण अष्ट्रेलिया र पश्चिम अष्ट्रेलियाका कुल २८ वटा शाखा कार्यालयहरु बन्द गर्ने योजना बनाएको जनाएको हो ।
३० वर्षअघि बनाइएको एजेन्सी मोडल ग्राहकहरुको संख्या घटिरहेको वर्तमान अवस्थामा अर्थहिन भएकाले शाखा कार्यालयहरु बन्द गर्ने योजना बनाउनु परेको बैंकले जनाएको छ । बैंकले आगामी अक्टोबरदेखि शाखा कार्यालयहरु बन्द गर्ने जनाएको छ ।
(3).gif)
(1).gif)
बैंकले जारी गरेको विज्ञप्तीमा ग्राहकको अभावका कारण शाखा कार्यालय चलाउनै गाह्रो भएकाले यस्तो निर्णय गुर्न परेको उल्लेख छ । बैंकका चिफ कस्टमर अफिसर टासो कोरोलिसले ग्राहकहरुको बदलिदो रुचीले व्यवसायिक क्रियाकलाप घट्नुका साथै सेवाहरुको सीमित प्रयोग र खर्च तथा दायित्व बढाएको बताए । उनले बैंकको परिवनर्तशिल आवश्यकता र २७ लाख ग्राहकको अपेक्षा पुरा गर्न भौतिक र डिजिटल च्यानलमा लगानी बढाउन प्राथमिकता दिने समेत बताए ।
उनी भन्छन्, ‘ग्राहकहरुलाई यी परिवर्तहरुलाई आत्मसात गर्न समय लाग्न सक्छ र यस प्रक्रियामा हामी उनीहरुलाई सहयोग गर्नेछौं । शाखा कार्यालय बन्द गर्ने निर्णयबाट प्रभावित हुने ग्राहकहरुलाई बैंकले सहयोग गरिरहेको छ ।’
बैंकको यो निर्णयले बैंकबाट सेवा लिईरहेका अष्ट्रेलियाका कम बसोवास गर्ने क्षेत्रका मानिसहरु बढी प्रभावित हुने र उनीहरुले बैंकिङ सेवा लिन लामो यात्रा गर्नु पर्ने हुनसक्ने जनाइएको छ ।
बेन्डिगो बैंक अष्ट्रेलियाको दोस्रो ठूलो रिजिनल ब्रान्च नेटवर्क भएको र प्रति ग्राहकका हिसाबले सबैभन्दा धेरै शाखा भएको बैंक हो ।
.gif)
(1).gif)
(2).gif)
.png)
.gif)
.jpg)
.jpg)
.jpg)
.jpg)
(1).gif)
