.gif)
_(1).gif)
.png)
काठमाण्डौ । चन्द्रागिरी हिल्सको लक इन समयावधि आज समाप्त हुँदैछ। कम्पनीले एक सूचना जारी गर्दै माघ ८ गते कम्पनीको लक इन अवधि समाप्त हुन लागेको जनाएको हो ।
कम्पनीको संस्थापक सेयर, कर्मचारीका लागि जारी गरेको सेयर र स्थानीय बासिन्दाका लागि निष्कासन गरेको सेयरको लक इन अवधि सकिन लागेको हो ।
(1).gif)
कम्पनीको १ करोड ३५ लाख संस्थापक सेयर,३ लाख ६ हजार ८१९ कित्ता स्थानिय बासिन्दाका लागि जारी सेयर र ६१ हजार ३६४ कित्ता कर्मचारीका लागि निष्कासन गरिएको गरी कुल १ करोड ३८ लाख ६८ हजार १८३ कित्ता सेयरको लक इन अवधि सकिन लागेको हो ।
कम्पनीले २०७७ मंसिर १७ गतेदेखि पुस १ गतेसम्म स्थानीय वासिन्दाका लागि सेयर निष्कासन गरेको थियो । त्यस्तै सर्वसाधारणका लागि(कर्मचारी समेतमा) २०७७ पुस २४ गतेदेखि पुस २८ गतेसम्म आईपीओ निष्कासन गरेको थियो ।
कम्पनीले सर्वसाधारणका लागि जारी गरेको आईपीओ २०७७ साल माघ ९ गते बाँडफाँड गरेको थियो । आज कम्पनीले आईपीओ बाँडफाँड गरेको तीन वर्ष पुगेको छ ।
धितोपत्र बार्डले कम्पनीले सर्वसाधारणका लागि निष्कासन गरि बाँडफाँड गरिएको मितिले तीन वर्ष समाप्त नभएसम्म संस्थापक सेयरधनीले धारण गरेको,स्थानिय बासिन्दा तथा कर्मचारीलाई बाँडफाड गरिएको सेयर लक इनमा राख्नु पर्ने व्यवस्था गरेको छ ।
यो अवधिसम्म संस्थापक,कर्मचारी र स्थानिय बासिन्दाले आफ्नो स्वामित्वमा रहेको सेयर बिक्री गर्न पाउदैनन् ।
चन्द्रागिरी हिल्सको लक इन समयावधि समाप्त भएसँगै अब यी सबै सेयर सर्वसाधारण सेयरमा परिणत भएका छन् । र सेयरधनीले आफ्नो भागमा परेको सेयर खरिद बिक्री गर्न पाउने छन् । दोस्रो बजारमा कम्पनीको १५ करोड ३४ लाख ९१० कित्ता शेयर सूचीकृत छन्।
तर कुल सेयरको १२ प्रतिशतले हुन आउने १८ लाख ४० हजार ९०९ कित्ता मात्रै दोस्रो बजारमा खरिदबिक्री भईरहेको छ ।
लक इन अवधि समाप्त भएर दोस्रो बजारमा सेयरको आपूर्ती हुने हुँदा यसले कम्पनीको सेयरमूल्य घट्ने गरेको छ । यस्तोमा चन्द्रागिरीको सेयरमूल्यमा पनि घट्ने दोस्रो बजारका लगानीकर्ताले अनुमान गरेका छन् ।
दोस्रो बजारमा आइतबार कम्पनीको सेयरमूल्य प्रति कित्ता मूल्य ९०५ रुपैयाँ रहेको छ।
.gif)
.png)
.png)
.gif)
.gif)
