.gif)
_(1).gif)
.jpg)
.png)
काठमाण्डौ। आर्थिक वर्ष २०८०/८१ मा देशमा ११ हजारभन्दा बढी ईभी गाडी भित्र्याइएको छ । भन्सार विभागले सार्वजनिक गरेको तथ्यांकअनुसार सो वर्ष ११ हजार ७०१ ईभी सवारी साधन नेपाल भित्र्याइएको हो ।
यो अवधिमा कुल २९ अर्ब ४८ करोड २७ लाख ९४ हजार रुपैयाँबराबरको ईभी आयात भएको छ । यो संख्या अघिल्लो वर्षको तुलनामा झन्डै ३ गुणाले बढी हो । अघिल्लो आर्थिक वर्ष २०७९/०८० मा देशमा ४ हजार ५० ईभी सवारी साधन मात्रै आयात भएको थियो ।
(1).gif)
नेपालमा आयात गरिएको कुल ईभी गाडीमा सबैभन्दा धेरै ५१ देखि १०० किलोवाट क्षमताका ६ हजार ८८५ गाडी रहेका छन् । यस्तै दोस्रोमा ५० किलोवाट क्षमतासम्मका ४ हजार ५७१ जीप, भ्यान र कार आयात गरिएको तथ्यांकले देखाउँछ । यो अवधिमा चीनबाट सबैभन्दा धेरै ईभी गाडी आयात गरिएको छ । चीनबाट ८ हजार ६५ ईभी गाडी भित्र्याइएको छ । यो संख्या कुल आयात भएको ईभी गाडीको तुलनामा ६८.९२ प्रतिशत हुन आउँछ ।
भारतबाट यो अवधिमा ३ हजार ३७७ ईभी गाडी आयात गरिएको विभागले जनाएको छ ।
आर्थिक वर्ष २०८०/८१ मा आयात भएका ईभीबाट सरकारले १३ अर्ब २८ करोड ६७ लाख १३ हजार रुपैयाँ राजश्व संकलन गरेको छ । सबैभन्दा धेरै ५१ देखि १०० किलोवाट क्षमताका ६ हजार ८८५ ईभी नेपाल भित्र्याइएको छ । दोस्रोमा ५० किलोवाट क्षमतासम्मका चार हजार ५७१ जीप, भ्यान र कार आयात गरिएको विभागले जनाएको छ ।
.gif)
.png)
.jpg)
.jpg)
.jpg)
(1).gif)
.gif)
