मञ्जुश्री फाइनान्सको साधारण सभा सम्पन्न, ४ जना सञ्चालक निर्वाचित

Capital Market
आईतवार, पुष २८,२०८१ 18:34:31

काठमाण्डौ । मञ्जुश्री फाइनान्स लिमिटेडको १७ औं वार्षिक साधारण सभा सम्पन्न भएको छ । कम्पनीको साधारण सभा पुस २८ गते, थापागाँउ व्याङ्केट, थापागाँउ, नयाँबानेश्वर, काठमाण्डौमा सम्पन्न भएको हो ।

साधारण सभाबाट आव २०८०/८१ को लागि प्रस्तावित ६.३५ प्रतिशत नगद लाभांश (नगद लाभांशको कर समेत) वितरण गर्ने निर्णय पारित भएको छ । साधारण सभाबाट मञ्जुश्री फाइनान्स लिमिटेडको सञ्चालक समितिमा संस्थापक समूहका सेयरधनीहरुको तर्फबाट ३ जना र सर्वसाधारण तर्फबाट १ जना गरी कुल ४ जना सञ्चालक आगामी ४ वर्षका लागि निर्विरोध निर्वाचित भएका छन् । संस्थापक सेयरधनीका तर्फबाट निर्वाचित हुनेमा यादव अधिकारी, रामहरी शर्मा तथा सुमनप्रसाद अधिकारी र सर्वसाधारण समूहका सेयरधनीहरुको तर्फबाट सतिश गौतम रहेका छन् ।

यस्तै सभामा वित्तीय संस्थाको रजिष्टर्ड (केन्द्रिय) कार्यालयलाई काठमाण्डौ महानगरपालिका–१० बाट ठाउँसारी गरी वडा न ११ स्थित आफ्नै भवनमा राख्नका लागि प्रवन्धपत्रको दफा २(१) र नियमावलीको नियम २ मा संशोधन गर्ने निर्णय पारित भयोे ।

मञ्जुश्री फाइनान्स लिमिटेडले गत मङ्सिर मसान्तसम्म २१ अर्ब निक्षेप संकलन तथा १७।५अर्ब कर्जा निर्वाह गर्दै आएको छ ।