महाकुम्भ पुगेर फर्किदै गरेका ५ नेपालीको मृत्यु

काठमाण्डौ । भारतको  प्रयागराजमा चलिरहेको महाकुम्भ मेलामा सहभागी भएर फर्किदै गरेका ५ नेपालीको सवारी दुर्घटनामा मृत्यु भएको छ ।  

बिहार राज्यको मुजफ्फपुरमा भएको सवारी दुर्घटनामा ५ नेपालीको मृत्यु भएको हो । मृतक सबैजना प्रयागराजमा चलिरहेको महाकुम्भ मेलामा सहभागी भएर नेपाल फर्किदै गरेका जिल्ला प्रहरी कार्यालय धनुषाले जानकारी दिएको छ । 

दुर्घटनामा अर्चना ठाकुर, कन्तारनी देवी, बालकृष्ण झा र इन्दु देवीको मृत्यु भएको छ । अर्का चालक नेपाली नै भएपनि नाम खुलेको छैन । दुर्घटनामा मनोहर ठाकुर, कामिनी झा , सृष्टि ठाकुर र जगतारण देवी घाइते भएका  बताइएको छ । 

मृतक र घाइतेहरु महोत्तरीको हर्दिया र धनुषाको जनकपुर क्षेत्रका स्थायीबासी हुन् ।

बीआर ३२ पीए ४६६१ नम्बरको भारतीय गाडी तीव्र गतिका कारण दुर्घटना भएको हो । घाइतेहरुको स्थानीय श्रीकृष्ण मेडिकल हलमा उपचार भइरहेको बताइएको छ ।