बढ्यो अण्डाको मूल्य, प्रतिगोटा कति ?

काठमाण्डौ । आजबाट लागू हुनेगरी अण्डाको मूल्यवृद्धि भएको छ । नेपाल लेयर्स कुखुरापालक संघले न्यूनतम प्रतिक्रेट १५ रूपैयाँदेखि अधिकतम ३० रूपैयाँका दरले अण्डाको मूल्य बढाएको हो ।

संघले अण्डाको खपत बढेसँगै मूल्य वृद्धिको निर्णय गर्नुपरेको जनाएको छ । अण्डा उत्पादकहरूको अघिल्लो दिन बसेको बैठकले आजदेखि मूल्य बढाउने निर्णय गरेको थियो । जसअनुसार अब ठूलो अण्डा ४ सय, मध्यम ३८५ र एक्स–एल अण्डा ४१५ रूपैयाँ कायम भएको छ ।