चिलिमे जलविद्युतको १०% बोनस सेयर सेयरधनीहरुको हितग्राही खातामा जम्मा

काठमाण्डौ । चिलिमे जलविद्युत कम्पनी लिमिटेडले गत आव २०७९/८० का लागि पारित बोनस सेयर सेयरधनीको हितग्राही (डिम्याट) खातामा जम्मा गरेको छ ।

कम्पनीले गत पुस २० गते सम्पन्न कम्पनीको २७ औँ वार्षिक साधारणसभाबाट पारित भएको १० प्रतिशत बोनस सेयर फागुन ३ गतेदेखि अभौतिक रुपमा सेयर धारण गरेका सेयरधनीको डिम्याट खातामा जम्मा गरिएको जनाएको छ।

भौतिक रुपमा सेयर धारण गरेका सेयरधनीहरुको हकमा भने सेयर अभौतिकीकरण भएपश्चात हितग्राही खातामा जम्मा गरिने कम्पनीले जनाएको छ ।