अमेरिकी ट्यारिफका कारण विकासशील देशहरुमा भयावह प्रभाव पर्ने राष्ट्र संघको चेतावनी

काठमाण्डौ । संयुक्त राष्ट्र संघले अमेरिकी ट्यारिफ नीतिका कारण विकासशील देशहरुमा भयावह प्रभाव पर्ने चेतावनी दिएको छ । संयुक्त राष्ट्र संघको व्यापार एजेन्सी,‘इन्टरनेशनल ट्रेड सेन्टर(आईटीसी)का निर्देशकले यस्तो चेतावनी दिएको हो ।  

सेन्टरका निर्देशक पमेला कोक ह्यामिल्टनले अमेरिकी राष्ट्रपतिले विभिन्न देशहरुमाथि लगाएको ट्यारिफ र वैदेशिक सहायतामा कटौतीका कारण विकासशील देशहरुको आर्थिक अवस्थामा खस्किने चेतावनी दिए । ‘

सेन्टरले ट्यारिफका कारण विश्वको व्यापार ३–७ प्रतिशतले खुम्चिने र विश्वको जीडीपी ०.७ प्रतिशतले घट्ने जनाएको छ । यस क्रममा सबैभन्दा धेरै विकासशील देशहरु प्रभावित हुने जनाइएको छ ।  

‘यदि चीन र अमेरिकाबीचको व्यापार संकट बढ्दै जान्छ भने यसले यी देशहरुबीचको व्यापारमा ८० प्रतिशतको गिरावट आउनेछ । जसको प्रभाव भयावह हुन सक्छ,’ह्यामिल्टनले भने ।  

शुक्रबार विश्व विश्वबजार संकटग्रस्त देखिएको छ । ट्रम्पले यो साता चीनबाहेक विभिन्न देशहरुमाथि लगाएको ट्यारिफ ९० दिनका लागि स्थगित गरेका थिए । बिहिबार ट्रम्पले लगाएको अतिरिक्त ट्यारिफको प्रतिउत्तरमा चीनले पनि आज अमेरिकालाई ट्यारिफ थप्दै १भ्२५ प्रतिशत पुर्याएको छ ।  

यससँगै यी दुई शक्ति राष्ट्रबीचको व्यापार युद्ध उत्कर्षमा पुगेको छ ।  

ह्यामिल्टनले वैदेशिक सहयात रोकिनु भन्दा विकासशील देशहरुमा ट्यारिफको प्रभाव बढी देखिने दाबी गरेका छन् ।  

विश्वका सबैभन्दा कम विकसीत देशहरु जस्तै लेसेथो, क्याम्बोडिया, लाओस,माडागास्कर र म्यानमार जस्ता देशहरुले अमेरिकासँगको व्यापार घाटालाई कम गर्न क्षेत्रियगत व्यापार सम्बन्धमा जोड दिनुपर्ने आईटीसीले जनाएको छ ।  

विश्वकै सबैभन्दा ठूलो टेक्स्टाइल निर्यातकर्ता बंगलादेशले सन् २०२९ सम्म अमेरिकासँग वार्षिक ३.३ अर्ब डलर घाटा व्यहोर्नु पर्ने जनाइएको छ ।