Zeekr र Neta कम्पनीको कार बिक्री तथ्याङ्क विवादमा, बीमाको दुरुपयोग गरी विश्व झुक्याएको खुलासा

काठमाण्डौ । चीनका विद्युतीय सवारी साधन निर्माता ब्रान्डहरू Neta र Zeekr ले बीमा योजनामार्फत आक्रामक बिक्री लक्ष्य पुरा गरेको पाइएको छ। 

Reuters को रिपोर्ट अनुसार, यी कम्पनीहरूले ग्राहकलाई कार बेच्नु अघि बीमा गराएर बिक्रीको आंकडा बढाएका थिए जसले उनीहरूलाई मासिक र त्रैमासिक बिक्री लक्ष्यहरू सहजै पुरा गर्न मद्दत पुर्‍यायो।

Neta कम्पनीले जनवरी 2023 देखि मार्च 2024 सम्म करिब ६४,७१९ भन्दा बढी सवारी साधनको बिक्री अग्रिम रूपमा रेकर्ड गरेको छ, जुन १५ महिनामा कुल १,१७,००० कारको बिक्री भएको बताइएको थियो। त्यस्तै, Zeekr ले २०२४ को अन्त्यतिर दक्षिणी शहर Xiamen मा आफ्नो डिलरमार्फत यस्तै विधि अपनाएको खुलासा भएको छ।

यस प्रकारको बिक्री रेकर्डिङले कम्पनीहरूलाई नियामक नियमअनुसार बिक्री अग्रिम रूपमा रेकर्ड गर्न अनुमति दिएको भए पनि बजारमा गलत बिक्री तथ्याङ्कको समस्या उत्पन्न भएको छ। चीनको अटो उद्योगमा तीव्र प्रतिस्पर्धा र नियामक ध्यानाकर्षणका कारण थप निगरानी र नियम आवश्यक भएको विश्लेषकहरूले बताएका छन्।

यो प्रकरणले चीनको अटो उद्योगमा पारदर्शिता र इमानदारीको महत्त्व पुनः पुष्टि गरेको छ र नियामक निकायहरूलाई अझ कडा निगरानी गर्न प्रेरित गरेको छ।

-reuters