.gif)
(1).gif)
_(1).gif)
.png)
काठमाण्डौ । रौतहटमा एक मनि ट्रान्फसरका सञ्चालकमाथि लुटपाटको उद्देश्यले गोली प्रहार भएको छ ।
स्थानीय शिव मनि ट्रान्सफरका सञ्चालक २६ वर्षीय नितेश साहमाथि भारतीय हतियारधारी समूहले गोली प्रहार गरेको हो ।
जिल्ला प्रहरी कार्यालय रौतहटकी प्रवक्ता एलिजा गिरीका अनुसार पेस्तोलसहित भारतबाट आएको तीनजनाको समूहले रौतहटको परोहा ९ मा रहेको मनि टान्सफरमा लुटपाट गरेको थियो । सो क्रममा सञ्चालक साहले प्रतिकार गर्न खोजेका थिए । त्यसपछि हतियारी समूहले साहको कञ्चटमा गोली प्रहार गरेको थियो ।
गोली प्रहार गरी गम्भीर घाइते साहलाई उपचारका लागि वीरगञ्ज लगिएको छ । अस्पतालले उनको अवस्था खतरामुक्त रहेको आफूहरुलाई जानकारी दिएको डिएसपी गिरीले जानकारी दिइन्।
उनका अनुसार लुटपाट र गोली प्रहारमा संलग्न तीनैजनालाई हतियारसहित प्रहरीले भाग्दै गरेको अवस्थामा पक्राउ गरेको छ ।
प्रारम्भिक अनुसन्धानका क्रममा पक्राउ परेका तीनैजना भारतको बिहार राज्यस्थित मोतिहारीको स्थायीबासी रहेका पत्ता लागेको समेत गिरीले जानकारी दिइन् ।
.gif)
.png)
.jpg)
.gif)
.gif)
