सिद्धार्थ क्यापिटलको चौधौं वार्षिक साधारण सभा सम्पन्न, ३०% नगद लाभांश पारित

काठमाण्डौ । सिद्धार्थ क्यापिटल लिमिटेडको चौधौं वार्षिक साधारण सभा सम्पन्न भएको छ । कम्पनीको उक्त सभा असोज ९ गते कम्पनीको रजिष्टर्ड कार्यालय, नारायणचौर, नक्साल, काठमाण्डौमा सम्पन्न भएको हो ।

सभामा सञ्चालक समितिको वार्षिक प्रतिवेदन, लेखापरीक्षकको प्रतिवेदन सहित २०८२ असार मसान्तसम्मको वासलात, वार्षिक नाफा–नोक्सानी हिसाब, नगद प्रवाह विवरण लगायतका वित्तीय विवरणहरू माथि छलफल गरि पारित गरिएको छ ।

साथै, सभामा आर्थिक वर्ष २०८१/८२ को नाफाबाट सेयरधनीहरूलाई हाल कायम चुक्तापूँजी रु. २० करोड रुपैंयाको ३० प्रतिशत अर्थात रु. ६ करोड रुपैंया (कर सहित)नगद लाभांश वितरण गर्ने प्रस्ताव पारित गरिएको छ । त्यसैगरी, आर्थिक वर्ष २०८२/८३ का लागि लेखापरीक्षक नियुक्ती गर्ने निर्णय गरिनुका साथै निजको पारिश्रमिक निर्धारण पनि गरिएको छ ।