.gif)
_(1).gif)
.png)
.png)
काठमाण्डौ । साताको चौथो कारोबार दिन आज नेपाल स्टक एक्सचेञ्च(नेप्से) मा झिनो अंकको गिरावट आएको छ । आज नेप्से परिसूचक ३.३४ अंक अर्थात ०.१६ प्रतिशतले घटेर २०६३.९५ विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.०९ प्रतिशतले घटेर ३६८.०३ विन्दुमा पुगेको छ । यो दिन नेप्सेमा सूचीकृत मध्ये ३०५ वटा कम्पनीको ९४ लाख ४५ हजार ६९७ कित्ता सेयर ३ अर्ब ४९ करोड ६२ लाख रुपैयाँ बढीको कारोबार भएको छ ।
आजको बजारबारे नेपाल इन्भेष्टर फोरमका अपाध्यक्ष राजन लम्साल भन्छन्,‘ अहिले सबै माहोल सकारात्मक छ । तर पनि सबैकुरा सकारात्मक हुँदा पनि बजार बढ्न सकिरहेको छैन । चैत मसान्तको प्रभाव पनि बजारमा देखिएको छ । बैंक तथा वित्तीय संस्थाले समय अगावै ब्याज माग्ने गर्छन र सेयर बेचेको पैसा आईपुग्न पनि समय लाग्छ ।’
यो समय बोनस सेयर र आईपीओ पनि सूचीकृत भईरहेकाले बजारमा बिक्री दबाव परेको लम्साल बताउँछन् । यद्यपी बजारमा ठूला लगानीकर्ता अझै पनि विश्वस्त नभएको र यसलाई १५/२० करोडको क्यापले रोकिराखेको र यहि कारणले साना लगानीकर्ताले मात्रै बजार उकास्न नसकेको उनी बताउँछन् ।
(1).gif)
अर्का बजार जानकार विरेन्द्र विष्ट भन्छन्,‘आज सानो अंकले बजार घट्नुलाई बजार घट्न रोकिएको रुपमा बुझ्न सकिन्छ । नीतिगत परिवर्तन भएपछि बजार विस्तारै सम्हालिन्छ ।’
यो दिन नेप्सेमा सूचीकृत १३ वटा समूहमध्ये ३ वटा समूहमात्रै बढेका छन् भने अन्य सबै समूहमा गिरावट आएको छ । आज लघुवित्त समूह २.५१, म्युचुअल फण्ड ०.७५ र व्यापार समूह ०.०८ प्रतिशतले बढे ।
आज सबैभन्दा धेरै गिरावट उत्पादन तथा प्रशोधन समूहमा आएको छ । यो समूह १.४५ प्रतिशतले घटेको आज बैंकिङ ०.१७,विकास बैंक ०.३५,वित्त ०.५२,होटल ०.५८,हाईड्रो ०.३५,लगानी ०.३६,जीवन बीमा ०.५०, निर्जीवन बीमा ०.००,र अन्य समूह ०.६८ प्रतिशतले घटे ।
धेरै कारोबार गर्ने कम्पनीहरु
यो दिन सोनापुर मिनरल्सको सर्वाधिक सेयर कारोबार भएको छ । यो कम्पनीको आज १९ करोड ५२ लाख बढीको सेयर कारोबार भयो ।
त्यस्तै शिवम् सिमेन्टको १७ करोड ६० लाख,गोर्खाज फाइनान्सको ११ करोड ९१ लाख र हिमालयन रि इन्स्योरेन्स ७ करोड ४० लाख रुपैयाँबराबरको कारोबार भएको छ ।
धरै कमाउने र गुमाउने कम्पनीहरु
यो दिन ४ वटा कम्पनीको सेयरमूल्यमा सकारात्मक सर्किट लागेको छ । आज गोर्खाज फाइनान्स,बुद्धभुमि नेपाल हाईड्रो,सर्वोत्तम सिमेन्ट र गँुरास लघुवित्तको सेयरमूल्यमा सकारात्मक सर्किट लागेको छ ।
आज धौलागिरी लघुवित्तको सेयरमूल्य ९.२८,गणपति लघुवित्तको ८.१४,एनएमबी माइक्रोफाइनान्सको ७.६१ र आरम्भ चौतारी लघुवित्तको सेयरमूल्य ७.४४ प्रतिशतले बढेको छ ।
आज बोटलर्स नेपाल(बालाजुं)को सेयरमूल्यमा सर्वाधिक गिरावट आएको छ । यो कम्पनीको सेयरमूल्य ९.३२ प्रतिशतले घट्यो ।
.gif)
.png)
.png)
(68).jpg)
(25).jpg)
(90).jpg)
.gif)
(1).gif)
.gif)
