.gif)
.gif)
.png)
काठमाण्डौ । भारतको बीमा नियामक ‘इन्स्योरेन्स रेगुलेटरी एण्ड डेभलपमेन्ट अथोरेटी(आईआरडीएआई)ले इन्स्योरेन्स मार्केट प्लेटफर्म ‘बीमा सुगमको स्थापनाका लागि अनुमति दिएको छ । जसअन्तर्गत एउटा यस्तो बीमा पूर्वाधार बन्नेछ,जहाँ सबै बीमा कम्पनीको जानकारी एउटै प्लेटफर्ममा उपलब्ध हुनेछ ।
बीमा सुगममा जीवन,निर्जीवन र स्वास्थ्यसहित सबै वर्गको बीमा लिस्ट हुने जनाइएको छ । यसमा बीमा पोलिसी खरिदरबिक्री,बीमा सेवा र दाबी भुक्तानीदेखि लिएर बीमासँग सम्बन्धित उजुरी तथा गुनासाहरु समेत सम्बोधन गर्न सकिने छ ।
बीमा सुगम एउटा ई–कर्मश प्लेटफर्मको जस्तै हुनेछ जहाँ बीमा कम्पनीहरुले आफ्नो प्रडक्टहरु बिक्री गर्न सक्नेछन् । यसले ग्राहक, एजेन्ट,बीमा कम्पनी र मध्यस्तताकर्ताबीच वान स्टेप सोलुसनको काम गर्ने र यसका कारण बीमा क्षेत्रको पारदर्शिता र प्रभावकारीता बढ्ने भारतस्ीय नियामकले दाबी गरेको छ ।
यस्तै बीमा सुगमका कारण भारतमा बीमा पोलिसीहरु सस्तो समेत हुने जनाइएको छ ।
यो डिजिटल प्लेटफर्म चाडै नै लञ्च हुने सम्भावना रहेको भारतीय मिडियाहरुले जनाएका छन् । रिपोर्टका अनुसार आगामी जुन महिनामा यसको लञ्च हुने सम्भावना अधिक रहेको छ ।
.png)
(1).png)
(1)(2).jpg)
(1).gif)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।